مەملەكەت باسشىسى جامبىل وبلىسىنداعى جول اپاتى سالدارىنان كوز جۇمعان وزبەكستان ازاماتتارىنىڭ اۋىر قازاسىنا بايلانىستى كوڭىل ايتتى. بۇل تۋرالى اقوردانىڭ ءباسپاسوز قىزمەتى حابارلادى.
«ورنى تولماس قايعىلارىڭىزعا ورتاقتاسا وتىرىپ, قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا شىنايى كوڭىلىمىزدى جەتكىزۋىڭىزدى سۇرايمىن. زارداپ شەككەندەردىڭ تەزىرەك ساۋىعىپ, وتباسىلارىمەن قايتا قاۋىشۋىنا تىلەكتەستىك بىلدىرەمىن», - دەلىنگەن جەدەلحاتتا.