- مۇمكىندىگىمە قاراي سىزدەردىڭ ويىندارىڭىزدى بارىپ كوردىم. جەڭىستەرىڭىزبەن قۇتتىقتايمىن. سىزدەر قازاقستاننىڭ ءتورت دۇركىن چەمپيونىسىزدار. بۇل ۇلكەن ەڭبەك. جەڭىستەرىڭىزبەن بالالار مەن جاسوسپىرىمدەر توبىنداعى 120 بالاعا جىگەر بەرىپ كەلەسىزدەر, ولار ءبىزدىڭ كادرلىق الەۋەتىمىز,-دەدى وبلىس اكىمى.-ساتتىلىك سەرىكتەرىڭىز بولسىن. فيزيكالىق, مورالدىق كۇشتەرىڭىز الداعى جەڭىستەرىڭىزگە دە جەتۋىن تىلەيمىن.
كلۋب باسشىلىعى, باس جاتتىقتىرۋشى جانە جەڭىمپاز كوماندا ويىنشىلارى ايماق باسشىسىنا قولداۋ كورسەتكەنى ءۇشىن العىستارىن ايتىپ, كوماندانىڭ بىرلىگى جەتىستىكتەرگە باستاعانىن اتاپ ءوتتى. جەڭىمپازدار ايماق باسشىسىنا كلۋبتىڭ فيرمالىق كيىمى مەن ويىنشىلاردىڭ قولتاڭبالارى بار حوككەي تاياعىن سىيعا تارتتى.
ەسكە سالساق, 11 ساۋىردە ءوز مۇز ايدىنىندا استانالىق «نومادتى» وۆەرتايمدا 3:2 ەسەبىمەن ۇتقان بولاتىن. «بەيبارىس» ءتورتىنشى مارتە چەمپيون اتاندى, بۇعان دەيىن 2011, 2015 جانە 2016 جىلدارى جەڭىس تۇعىرىنان كورىنگەن ەدى.