8 بەن 12 جاس ارالىعىنداعى بالالار ءۇشىن بايقاۋدىڭ ىرىكتەۋ كەزەڭدەرى ەلىمىزدە 29 ناۋرىزدان باستاپ وتۋدە. اتىراۋ وبلىسىنا دەيىن شىعارماشىلىق توپ الماتى, شىمكەنت قالالارى مەن تۇركىستان, جامبىل, قىزىلوردا, اقتوبە, باتىس قازاقستان جانە ماڭعىستاۋ وبلىستارىنا بارىپ قايتتى.
ءادىل قازىلار القاسىن باستاپ كەلگەن اتىراۋ وبلىسى ءفيناليستىنىڭ جۇلدىزدى تالىمگەرى دينارا سۇلتان بالالارعا ارنالعان اۋقىمدى جوباعا العاش رەت قاتىسقان بولاتىن. سوعان قاراماستان, ول بايقاۋ ەرەجەلەرى بويىنشا كەزەكتى ءفيناليستتى تاڭداي الدى.
فينالعا جولداما الۋ ءساتى تىلەكقابىل الفياعا بۇيىردى. ءبۇلدىرشىن قازىلار القاسى مەن كورەرمەندەردىڭ الدىندا ءوزىڭ كورسەتە ءبىلدى. ول قازاق, ورىس جانە اعىلشىن تىلدەرىندە ءۇش ءاندى كەرەمەت ورىنداپ شىققتى. دارىندى بالانى اناسى باستاعان ءبىر توپ جاقىندارى قولداپ كەلدى.. ولار «جاندانۋ الەمى» قوعامدىق قورى, ءاليا نازارباەۆا مەن جوبانىڭ شىعارماشىلىق توبىنا كىشكەنتاي قازاقستاندىقتارعا اشاتىن ۇلكەن مۇمكىندىكتەر ءۇشىن العىس ءبىلدىردى.
كۇزدە الفيا قازاقستاننىڭ باسقا ايماقتارىنىڭ 16 فيناليستتەرىمەن «جۇلدىزدى ارمان ۇيىندە» كەزدەسەدى. بايقاۋدىڭ سۋپەرفينالىنا دايىندالۋ ماقساتىندا بالالار ۆوكال, حورەوگرافيا جانە ارتىستتىك قابىلەتتەرىن ارتتىراتىن ساباقتارعا قاتىسادى.
25 مەن 27 قازان كۇندەرى بۇلدىرشىندەر جوبانىڭ اقتىق باعدارلامالارىندا ونەر كورسەتىپ, بايقاۋعا ارنايى جازىلعان اندەردى ورىندايدى.
«بالا داۋىسى – 2019» بايقاۋىنىڭ جەڭىمپازى مۋزىكالىق وقۋ ورنىندا ءبىلىم الۋعا مۇمكىندىك بەرەتىن گرانت پەن ديسنەيلەند ەرتەگىلەر الەمىنە ساياحات جولداماسىن ۇتىپ الادى.