- اتىراۋ وبلىسى بويىنشا كولىكتىك باقىلاۋ ينسپەكتسياسىمەن 2018 جىلى قۇقىق بۇزۋشىلىقپەن ينەرتتى جۇك تاسىمالدايتىن 782 اۆتوكولىك قۇرالى انىقتالىپ, 34 ملن.879 مىڭ 420 تەڭگە ايىپپۇل سالىندى. 2019 جىلدىڭ 3 ايىندا 174 كارەر اۆتوكولىك قۇرالى ۇستالىپ, ولارعا 11 ملن.114 مىڭ 570 تەڭگە ايىپپۇل سالىندى. وسى باعىتتا ينسپەكتسيامەن جەرگىلىكتى اتقارۋشى, پروكۋراتۋرا, پوليتسيا دەپارتامەنتى جانە مەملەكەتتىك كىرىس ورگاندارمەن بىرلەسكەن كۇش ءتۇسۋ الگوريتمىن باقىلاۋ جانە اۋىر جۇك كولىكتەرىنىڭ سالماعىن تەكسەرۋ جونىندە جول كارتاسى جاساقتالىپ, وبلىس اكىمنىڭ ورىنباسارىمەن بەكىتىلدى , - دەيدى امانجول حابدەشوۆ.
ايتا كەتەيىك, وبلىستا ينەرتتى قۇرىلىس ماتەريالدارىن وندىرەتىن 9 اشىق كارەر انىقتالىپ وتىر. ولاردىڭ 5-ەۋى وبلىس ورتالىعىنان 180 شاقىرىم قاشىقتىقتا ورنالاسقان يندەر اۋدانىنىڭ اۋماعىندا, 2-ءى اتىراۋ قالاسىنىڭ ماڭىندا, 1-ءى وبلىس ورتالىعىنان 250 شاقىرىم قاشىقتىقتاعى جىلىوي اۋدانىندا ورنالاسقان جانە قىزىلقوعا اۋدانىنىڭ ورتالىعى ميالى سەلوسىنان 5 شاقىرىم قاشىقتىقتا 1 كارەر بار. مونيتورينگ ناتيجەسى كورسەتكەندەي اتالعان كارەرلەر ماۋسىمدىق كەزەڭمەن جۇمىس ىستەيدى.
ەسكە سالا كەتەيىك, 2017 جىلدىڭ 28 جەلتوقسانىندا ۆەدومستوۆارالىق وتىرىستا وبلىس اكىمى نۇرلان نوعاەۆ وبلىستاعى جولداردىڭ ناشارلاۋىنا تىكەلەي سەبەپشى ۇلكەن جۇك كولىكتەرى ەكەنىن مالىمدەدى. ارتىق جۇك تيەگەن جۇرگىزۋشىلەرگە شارا قولدانۋ كەرەكتىگىن ايتىپ, كولىكتىك باقىلاۋ ينسپەكتسياسى قىزمەتكەرلەرىنە ەسكەرتۋ جاساعان بولاتىن. اۋىر جۇك كولىكتەرى ءۇشىن قارالماعان جولداردى جۇرگىزۋشىلەردىڭ ەسەپسىز پايدالانۋى - جول توسەندىسىنىڭ قىسقا مەرزىم ىشىندە جارامسىز جاعدايعا تۇسۋىنە ىقپال ەتىپ وتىر.