پرەمەر-ءمينيستردىڭ ورىنباسارى گۇلشارا ابدىحالىقوۆا مەن قر دەنساۋلىق ساقتاۋ ءمينيسترى ەلجان بىرتانوۆتارعا وبلىس باسشىسى بۇل اۋرۋحانا جاقىن ارادا حالىقارالىق JCI ستاندارتى سەرتيفيكاتىنا تاپسىراتىندىعى تۋرالى ايتىپ ءوتتى. سول ارقىلى بۇل اۋرۋحانا الەمدەگى ەڭ ۇزدىكتەر قاتارىنا وتەتىن بولماق. ال مامىر ايىندا اۋرۋحانادا گيبريدتى وپەراتسيا جاسايتىن زال اشىلادى.
- ءبىز وپەراتسيا جاسايتىن زالدى حالىقارالىق ستاندارتقا ساي جابدىقتاپ وتىرمىز,-دەدى وبلىس اكىمى دانيال احمەتوۆ,-مىنا جەردە ارنايى ورناتىلعان انگيگراف بار. بۇنداي انگيوگراف قازاقستاندا دا, رەسەيدە دە جوق. گيبريدى وپەراتسيا وتكىزىلەتىن زالدا جىلىنا 3 مىڭ وپەراتسيا جاسالماق. بۇل جوبا جۇزەگە اسۋى ءۇشىن 1,8 ملرد تەڭگە ءبولىندى.
جەدەل مەديتسينالىق جاردەم اۋرۋحاناسىنا جۇمىس ساپارى بارىسىندا وبلىس اكىمىنىڭ ورىنباسارى اسەم ءنۇسۇپوۆا ۇكىمەت باسشىسىنىڭ ورىنباسارى گۇلشارا ابدىحالىقوۆا مەن دەنساۋلىق ءمينيسترى ە. بىرتانوۆتارعا وبلىستاعى دەنساۋلىق ساقتاۋ سالاسىنىڭ 2017-2019 جىلدارعا ارنالعان باعدارلاماسى جايلى دا تانىستىرىپ ءوتتى.
- جوعارى تەحنولوگيالىق قۇرال-جابدىقتاردىڭ قاتارىن مەديتسينا سالاسىنىڭ دامۋىنا وراي كوبەيتىپ جاتىرمىز,-دەدى وبلىس اكىمىنىڭ ورىنباسارى اسەم ءنۇسۇپوۆا,-سوڭعى 3 جىلدا بۇل 2,5 ەسەگە ءوستى. بيىل حالىقارالىق اۋديت اياسىندا جۇرگىزىلگەن مەديتسينالىق قۇرال-جابدىقتارمەن قامتۋداعى جوسپارعا ساي 4,9 ملرد تەڭگە ءبولىندى. سوڭعى ءۇش جىلدا مەديتسينالىق سوڭعى زاماناۋي تەحنولوگيالارمەن قامتۋ ءۇشىن بولىنگەن قارجى 23,4 ملرد تەڭگە بولىپ وتىر. جانە وسىعان وراي مەديتسينالىق مامانداردى دا بىلىكتى ەتىپ داينداۋ ءۇشىن شەتەلدەرگە وقۋعا جىبەرۋدەمىز. ءۇش دەڭگەيلى وقۋدان ءوتۋ ءۇشىن مەديتسينا قىزمەتكەرلەرىنىڭ دايىندىعىنا 3,7 ملرد تەڭگە ءبولىندى. 4080 دارىگەر الەمدەگى 157 ەڭ ۇزدىك دەگەن ەمحانادا وقىپ كەلدى.
راۋشان نۇعمانبەكوۆا
«ەgemen Qazaqstan»
سۋرەتتى تۇسىرگەن اۆتور
سەمەي
سەمەي