القالى جيىندا فيليال جەتەكشىسى, ايماق باسشىسى قۇمار اقساقالوۆ «Nur Otan» پارتياسىنىڭ توراعاسى, ەلباسى نۇرسۇلتان نازارباەۆتىڭ XVIII سەزدە بەلگىلەپ بەرگەن مىندەتتەردىڭ ورىنداۋ بارىسى مەن الداعى ماقساتتار جايلى جايلى باياندادى.
«الدىمىزدا «الەۋمەتتىك سالانى دامىتۋ ءۇشىن ەكونوميكانىڭ ءوسىمىن قامتاماسىز ەتۋ تالاپتارى تۇر. بيىلعى جىلدىڭ ءبىرىنشى توقسانىنىڭ قورىتىندىسى بويىنشا وبلىستا بارلىق سالالار بويىنشا دامۋ بايقالادى. اۋىل شارۋاشىلىعى ونىمدەرىن ءوندىرۋ, ينۆەستيتسيا تارتۋ, قۇرىلىس جۇمىستارىندا ايتارلىقتاي ءوسىم بار», دەگەن قۇمار ىرگەباي ۇلى قول جەتكەن تابىستارعا توقمەيىلسىمەۋگە باسا نازار اۋداردى.
ساياسي ۇيىمنىڭ ەڭ جوعارى فورۋمىندا «حالىققا كومەك», «باقىتتى وتباسى», «اۋىل – ەل بەسىگى», «قۇتتى مەكەن» ۇلتتىق جوبالارىن جۇزەگە اسىرۋ جولدارى بەلگىلەنگەن بولاتىن. «حالىققا كومەك» جوباسى پارتيانىڭ قوعامدىق قابىلداۋىن جەتىلدىرۋگە باعىتتالعان. وبلىستا ءار ازامات الەۋمەتتىك جاردەماقى تاعايىنداۋدان باستاپ, قۇقىقتىق كومەككە دەيىن كەز كەلگەن ماسەلە بويىنشا جۇگىنە الاتىن 15 الەۋمەتتىك تەرەزە جۇمىس ىستەيدى. جوبا قولعا الىنعاننان باستاپ الەۋمەتتىك تەرەزەگە 116 از قامتىلعان تۇرعىن جۇگىنگەن. ءوڭىر باسشىسى قابىلداۋدى جەتىلدىرۋ كەرەكتىگىن اتاپ كورسەتتى. ياعني, ءوتىنىش جولدانعان مەملەكەتتىك ورگان, وعان جاۋاپتى ادام, ورىندالۋ ۋاقىتى, تاعى باسقا اقپاراتتاردان حاباردار بولۋى ءتيىس. بۇل تالاپ مەملەكەتتىك ورگاندارعا ازاماتتاردىڭ ءوتىنىشىن ورىنداۋدا جاۋاپكەرشىلىكتى ارتتىرىپ, جەدەل شارا قابىلداۋعا ىقپال ەتەدى.
ال, «باقىتتى وتباسى» – كوپبالالى جانە از قامتىلعان وتباسىلاردى جان-جاقتى قولداۋعا باعىتتالعان جوبا. وبلىستا اتاۋلى الەۋمەتتىك كومەك الاتىن وتباسىلاردىڭ سانى 3225-كە دەيىن جەتكەن. سونداي-اق, اتاۋلى الەۋمەتتىك كومەك الاتىن كوپبالالى وتباسىلار ءۇشىن ءار بالاعا بەرىلەتىن ايلىق تولەم التى ەسە ارتادى. «اۋىل – ەل بەسىگى», «قۇتتى مەكەن» جوبالارى اياسىندا ينكليۋزيۆتى ءبىلىم بەرۋدى دامىتۋ, وقۋ ورىندارىن سالۋ, جولداردى جوندەۋ, ينفراقۇرىلىمدى دامىتۋ, تاعى باسقا باعىتتاردا اۋقىمدى جۇمىستار اتقارىلاتىن بولادى.
كونفەرەنتسيادا 23 ءساۋىر كۇنى استانا قالاسىندا وتەتىن «Nur Otan» پارتياسىنىڭ ءحىح سەزىنە دەلەگاتتار سايلاندى.
سولتۇستىك قازاقستان وبلىسى