پارتيا باستاماسىمەن جۇزەگە اسىپ جاتقان الەۋمەتتىك قامقورلىق شارالارى وبلىس كاسىپكەرلەرى تاراپىنان دا ۇلكەن قولداۋعا يە بولۋدا. بۇگىنگە دەيىن مەتسەناتتار مەن دەمەۋشىلەر كومەگىمەن 3,5 مىڭ وتباسىنا جالپى سوماسى 125 ملن.تەڭگەگە قارجىلاي كومەك كورسەتىلىپ, 3 پاتەر, 20 ءۇي بەرىلگەن. جالپى, ايماقتا «قۇتتى مەكەن» جوباسىنا بىرىكتىرىلگەن مەملەكەتتىك «نۇرلى جول» باعدارلاماسىندا 116 جوبانىڭ جۇزەگە اسىرىلۋىنا 92,6 ملرد تەڭگە قاراجات بولىنگەن.
ال «نۇرلى جەر» مەملەكەتتىك باعدارلاماسى اياسىندا اعىمداعى جىلى 101 جوبانىڭ جۇزەگە اسىرىلۋىنا 17,8 ملرد تەڭگە قاراجات قاراستىرىلدى. «حالىققا كومەك» بىرىڭعاي الەۋمەتتىك تەرەزە» پارتيالىق جوباسى اياسىندا وبلىستا پارتيانىڭ بارلىق فيليالدارىنىڭ قوعامدىق قابىلداۋ بولمەلەرىندە 376 ءوتىنىش تىركەلىپتى. وسى وتىنىشتەر ىشىندە 81 ءوتىنىش ياعني 21,5 پرووتسەنتى وڭ شەشىمىن تاپقان ەكەن.
- جەتىسۋ وڭىرىندە 40 مىڭ كوپبالالى وتباسىندا 165 مىڭ بالا تاربيەلەنەدى. ولاردىڭ 11 مىڭى اتاۋلى الەۋمەتتىك كومەك الاتىن وتباسىلار. «باقىتتى وتباسى» جوباسى اياسىندا الماتى وبلىسىندا الەۋمەتتىك جول كارتاسى ىسكە قوسىلدى. اعىمداعى جىلى الەۋمەتتىك كومەككە جەرگىلىكتى بيۋدجەتتەن 6 ملرد.تەڭگە, الەۋمەتتىك جول كارتاسىنا قوسىمشا 3,4 ملرد.تەڭگە قاراجات قاراستىرىلدى, - دەدى ءوز سوزىندە «Nur Otan» پارتياسى الماتى وبلىستىق فيليالى توراعاسىنىڭ ءبىرىنشى ورىنباسارى عالياسقار سارىباەۆ.كونفەرەنتسيا بارىسىندا ايماقتىق ارداگەرلەر كەڭەسىنىڭ توراعاسى, وبلىستىق ءماسليحات دەپۋتاتى ەرمەك كەلەمسەيىت پەن انالار كەڭەسىنىڭ ءتورايىمى جامال بايماديەۆا جانە جەتىسۋ مەملەكەتتىك ۋنيۆەرسيتەتى جاستار ورتالىعىنىڭ باسشىسى ارناي بايجۇرىنوۆ ءوز ويلارىن ورتاعا سالدى. كونفەرەنتسيا سوڭىندا جەتىسۋ وڭىرىنەن «Nur Otan» پارتياسىنىڭ كەزەكتەن تىس ءحىح سەزىنە 45 دەلەگات سايلاندى.
الماتى وبلىسى