جۇما, 20 شىلدە 2012 7:43
قۇداي بىلەدى, «قارجى پوليتسياسى» دەگەندە كەز كەلگەن جاننىڭ جۇرەگى ءدىر ەتە قالاتىن شىعار, ءسىرا… شىنىن ايتۋ كەرەك, تەك قارجى پوليتسياسى عانا ەمەس, جالپى پوگون تاعىپ, فۋراجكا, ارنايى اسكەري فورما كيگەن اعايىنداردا ايتەۋىر ءبىر سۇس بار عوي… ۇستىندەگى كيىمىنىڭ قۇدىرەتى مە, جوق, الدە قولىنداعى بيلىگىنىڭ قۇدىرەتى مە, تۇسىنىكسىز.
جۇما, 20 شىلدە 2012 7:43
قۇداي بىلەدى, «قارجى پوليتسياسى» دەگەندە كەز كەلگەن جاننىڭ جۇرەگى ءدىر ەتە قالاتىن شىعار, ءسىرا… شىنىن ايتۋ كەرەك, تەك قارجى پوليتسياسى عانا ەمەس, جالپى پوگون تاعىپ, فۋراجكا, ارنايى اسكەري فورما كيگەن اعايىنداردا ايتەۋىر ءبىر سۇس بار عوي… ۇستىندەگى كيىمىنىڭ قۇدىرەتى مە, جوق, الدە قولىنداعى بيلىگىنىڭ قۇدىرەتى مە, تۇسىنىكسىز.
جالپى, ءسىزدىڭ قارجى پوليتسياسى تۋرالى ويىڭىز قالاي؟ قارجى پوليتسياسىنان نەگە قورقاسىز؟ «ويباي, انا ءبىر شەنەۋنىكتى كابينەتىندە پارا الىپ جاتقان جەرىنەن ۇستاپتى», «ءپالەنشە تۇگەنشەگە پارا بەرىپ جاتقان جەرىنەن ۇستالىپ قالىپتى». جاسىراتىنى جوق, ءبىزدىڭ قارجى پوليتسياسى تۋرالى ءتۇسىنىگىمىز, بىلەتىنىمىز, پايىمىمىز وسى توڭىرەكتە عانا. ولاردىڭ جۇمىسىنىڭ سىرىن, قىرىن, ماقساتىن تەرەڭ تۇسىنبەگەندىكتەن قارجى پوليتسياسىنىڭ ءوزى تۇگىلى, قاراسىنان قورقامىز.جوق, ءسىز قاتەلەسەسىز. قارجى پوليتسياسى ءسىز ويلاعانداي قورقىنىشتى ەمەس. قارجى پوليتسياسى ورگاندارىنىڭ باستى مىندەتتەرىنىڭ ءبىرى – مەملەكەتىمىزدىڭ ەكونوميكالىق قاۋىپسىزدىگىن قامتاماسىز ەتۋ, كاسىپكەرلەردىڭ زاڭدىق قۇقىقتارىن قورعاۋ, قارجىلىق, جەمقورلىق سيپاتتاعى قىلمىستاردى تەرگەۋ, اشۋ, جولىن كەسۋ. جەكە جانە زاڭدى تۇلعالاردىڭ ارىز-شاعىمدارىن مۇقيات قاراۋ, ولاردى ساپالى شەشۋ بولىپ تابىلادى. ناقتىراق ايتقاندا, ەل ەڭ الدىمەن قارجى پوليتسياسىن تەك جەمقور ۇستاۋشى ەمەس, بيزنەستىڭ قورعاۋشىسى, قالقانى, قامقورشىسى دەپ سەزىنۋى قاجەت.ستاتيستيكاعا ءسوز بەرسەك, وسى جىلدىڭ 6 ايىندا دەپارتامەنتكە 2973 ارىز-شاعىم ءتۇسىپتى. ونىڭ 92-ءسى كاسىپكەرلەردەن, 158-ءى ۇجىمداردان تۇسكەن. وڭتۇستىك قازاقستان وبلىسى قارجى پوليتسياسى قۇجات اينالىمىن قامتاماسىز ەتۋ ءبولىمىنىڭ باستىعى ا.كوكەباەۆانىڭ ايتۋىنا قاراعاندا, ارىزداردىڭ كوبىسىندە الاياقتىق ماسەلەسى ايتىلعان. وبلىستىق قارجى پوليتسياسى ءار سەنبى سايىن اۋدان-اۋىلدارعا شىعىپ, تۇرعىندارمەن كەزدەسۋ وتكىزەدى. ءتىپتى, سول كەزدە دە ەلدىڭ كوبىسى الاياقتارعا الدانىپ قالعانىن ايتىپ ارىزدانادى ەكەن. ياعني, ءبۇگىندە الدانباعان ادام از. 2011 جىلى الاياق ج.ءالىموۆانىڭ بۇكىل ەلدى شۋلاتقانى ءبارىمىزدىڭ ەسىمىزدە. ول زاڭسىز كاسىپكەرلىكپەن اينالىسىپ, 2008 جىلى «الەم قازىنا» ميكروكرەديتتىك ۇيىمىن اشادى. ءوزى قۇرىلتايشى ءارى ءوزى ديرەكتور ج.ءالىموۆا وزگەنىڭ دۇنيەسىن الداپ الۋ ماقساتىندا قىلمىستىق كەستە جاساپ, «قارجىلىق پيراميدا» قۇرعان. ءسويتىپ, قانشاما ادامنىڭ قارجىسىن, قانشاما جانداردىڭ ءتىرنەكتەپ جيعان ءدۇنيەسىن جوق قىلىپ, وبالىنا قالدى. بۇل ءماسەلەگە قارجى پوليتسياسى ارالاسپاعاندا الاياق ايەلدىڭ قاي جەرگە دەيىن تايراڭداپ, قانشاما جاننىڭ كوز-جاسىنا قالارىن ءبىر قۇداي ءبىلەدى.ەلدىڭ ءبارىنىڭ قۇقىقتىق ساۋاتى جوق قوي. ءارى بۇل ومىردە وڭاي ولجاعا كەنەلگىسى كەلەتىندەر دە كوپ. بىزدىڭشە حالىق قارجى پوليتسياسىن انادايدان اينالىپ ءجۇرمەي, ەسىگىن ەمىن-ەركىن اشىپ: «مەن مىنا ۇيىمعا اقشا سالايىن دەپ ەدىم, پايداعا قارىق بولاسىڭ دەپ جاتىر, بۇل ۇيىم قانشالىقتى زاڭدى؟» نەمەسە: «مەن مىناداي ءبىر تىرلىك باستايىن دەپ ەدىم, مىنانداي كەدەرگىلەر بولىپ تۇر, بۇل زاڭعا سايكەس پە؟» دەپ اقىل-كەڭەس سۇراسا, كوپ الاياقتىڭ جولى و باستان-اق كەسىلەر ەدى. جاقىندا جەرگىلىكتى گازەتتىڭ بىرىنەن شىمكەنت قالاسىنىڭ تۇرعىندارى ن.ءومىربەكوۆا مەن ا.ءازىمحانقىزىنىڭ قارجى پوليتسياسىنا راحمەت ايتقان شاعىن حابارىنا كوزىم ءتۇستى. بۇل ەكەۋى دە الدانىپ قالعان, ايتەۋىر قارجى پوليتسياسىنىڭ ارقاسىندا الاياقتىق فاكتىلەرى اشىلىپ, ءبارى ءوز ورنىنا كەلىپتى. كەيىنىرەك قارجى پوليتسياسىنداعى مامانداردان ءبىلگەنىم, دەپارتامەنتكە مۇنداي العىس ايتۋشىلار كوپ ەكەن.ءبارىمىز «قورقاتىن» قارجى پوليتسياسى قايىرىمدىلىق جاساۋدان دا كەندە ەمەس. وڭتۇستىك قازاقستان وبلىسى قارجى پوليتسياسىنىڭ باستىعى سەرىكباي ەرىمبەتوۆتىڭ باستاماسىمەن بۇل ۇجىم شىمكەنت قالاسىنداعى №3 بالالار ءۇيىن ءوز قامقورلىقتارىنا الىپتى. «جەتىم كورسەڭ, جەبەي ءجۇر» دەگەن ناۋرىز مەرەكەسىندە, ودان بالالاردى قورعاۋ كۇنى ۇجىم مۇشەلەرى وسى مەكەمەدە بولىپ, ءتۇرلى سىي-سياپاتتار جاساپتى. بارا سالىپ, بازارلىعىن بەرىپ, «وسىمەن ميسسيامىز ءبىتتى» دەگەندەي كوزبوياۋشىلىق جاساپ, قايتىپ كەتپەستەن, قىزمەتكەرلەر بالالارمەن وتىرىپ اس ءىشىپ, ءاڭگىمەلەسىپ, ويىندارىن, ونەرلەرىن تاماشالاپ, جانى جابىرقاۋ بۇلدىرشىندەرگە ءبىر كۇندەرىن ارناپتى.ياعني, قارجى پوليتسياسى ءسىز ويلاعانداي ازىرەيىل ەمەس. ءارينە, «بەس ساۋساق بىردەي ەمەس», بۇل سالادا دا قىزمەتىن پايدالانىپ, قالتاسىنىڭ قامىن ويلايتىندار جوق دەپ ايتا المايسىڭ. ونداي جەمقورلاردىڭ تىرلىگى ايتەۋىر ءبىر اشكەرە بولاتىنىن ءومىردىڭ ءوزى كورسەتىپ ءجۇر. قارجى پوليتسياسىنان قولى تازا, جۇرەگى اق, مالىن ەمەس, الدىمەن ارىن ويلايتىن ادامدار عانا قورىقپايدى.ورالحان ءداۋىت,«ەگەمەن قازاقستان».وڭتۇستىك قازاقستان وبلىسى.