قوستانايدا «قاۋىپسىز جول» اكتسياسى كوشەدە بولاتىن جول-كولىك وقيعاسىنا جۇرگىنشىلەردىڭ وزدەرى دە كىنالى, ولاردىڭ ءجيى جول ەرەجەلەرىن بۇزاتىنىن كورسەتتى.
ءۇش كۇندە 81 جۇرگىنشى «قر اكىمشىلىك قۇقىق بۇزۋشىلىق تۋرالى» زاڭنىڭ 615-بابىنا سايكەس اكىمشىلىك جاۋاپكەرشىلىككە تارتىلعان. 40 كولىك جۇرگىزۋشى الدىنداعى كولىكتى باسىپ وزعانى ءۇشىن, 28 كولىك يەسى جۇرگىنشىگە جول بەرمەگەنى ءۇشىن ايىپپۇل تولەدى.
مۇنىڭ سىرتىندا كوشەدە جىلدامدىقتى نەگىزسىز كۇشەيتكەن, قۇجاتسىز كولىك ايداعان, جاسىرىن جولاۋشىلار تاسىعان,قاۋىپسىزدىك بەلبەۋىن تاقپاعان, باعدارشام بەلگىسىنە توقتاماعان جۇرگىزۋشىلەر, ماساڭ كۇيىندە كولىك جۇرگىزگەندەر دە پوليتسەيلەردىڭ قىراعى نازارىنان تىس قالمادى.
جالپى, 2019 جىلدىڭ العاشقى ءۇش ايىندا وبلىس ورتالىعىندا 38 جول كولىك وقيعاسى تىركەلگەن, ودان 40 ادام ءتۇرلى جاراقاتتار العان. وسى جول-كولىك وقيعالارىنىڭ 24-دە كولىك جۇرگىنشىلەردى قاعىپ كەتكەن. سونىڭ ناتيجەسىندە 25 ادام زارداپ شەككەن.