جالپى قالا كوشەلەرىن جوندەۋ مەن اباتتاندىرۋ جۇمىستارى بويىنشا وڭ جاق بۇرىلىستار, باعدارشامدار, جول بەلگىلەرى, ايالدامالار مەن اياقجولدار جانە جارىقتاندىرۋ جۇيەسى جاڭارتىلادى.
اباتتاندىرۋ جۇمىستارى بارىسىندا الماتى, نۇر-سۇلتان قالالارىنداعى تاجىريبەلەر نەگىزگە الىنادى. مساەلەن, تاۋكە حان داڭعىلى, س.قوجانوۆ كوشەسى بويىنداعى ق.ا.ياساۋي اتىنداعى حقتۋ, مەديتسينالىق كوللەدج سياقتى وقۋ ورىندارىنىڭ جانە تاعى باسقا دا نىسانداردىڭ جول بويى مەن عيماراتتارى ارالىعىندا «كەڭ كورىنىستى كەڭىستىك» قالىپتاستىرىلادى. ياعني, تەمىر شارباق قورشاۋلار مەن جاپسارلاس سالىنعان ۋاقىتشا قۇرىلىستار رەتتەلەدى. جاياۋ جۇرگىنشىلەر جولدارى كەڭەيتىلىپ, جاسىل جەلەكتەر مولايادى. وسى ارقىلى ساۋدا ۇيلەرىنىڭ قاس بەتتەرىن بىركەلكى ساۋلەتتىك ۇلگىگە كەلتىرۋ جولعا قويىلماق. سونداي-اق جول بويىنان ۆەلوجول سالۋ دا قاراستىرىلىپ, جارىق باعانالارى ورناتىلاتىن بولادى.