جيىندا جەر قويناۋىن پايدالانۋعا ارنالعان كەلىسىم شارتتار بويىنشا جۇرگىزىلىپ جاتقان جۇمىستاردىڭ بارىسى جانە جەر قويناۋىن زاڭسىز پايدالانۋدى توقتاتۋ تۋرالى وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مىندەتىن اتقارۋشى گ.سامەتوۆا بايانداما جاسادى.
«وبلىس اۋماعىندا بۇگىنگى تاڭدا جالپى سانى 190 جەر قويناۋىن پايدالانۋعا كەلىسىمشارتتار تىركەلگەن. ونىڭ ىشىندە, قاتتى پايدالى قازبالار بويىنشا – 38, جەراستى سۋلارى بويىنشا – 28, كەڭ تارالعان پايدالى قازبالار بويىنشا – 124 كەلىسىمشارتتىڭ 10-ى بارلاۋعا جانە 112-ءسى وندىرۋگە بەرىلگەن. كەڭ تارالعان پايدالى قازبالار بويىنشا, تاسشاعال, كۇم, توپىراق, گيپس, اس تۇزى اك-تاس سەكىلدى پايدالى قازبالارى وندىرىلەدى. 2018 جىلى كەلىسىمشارت مىندەتتەمەلەرىن ورىنداماعان – 69, اعىمداعى جىلدىڭ ءى-توقسانىندا 29 جەر قويناۋىن پايدالانۋشىعا ەسكەرتۋ حاتتارى جولدانىپ, 15 جەر قويناۋىن پايدالانۋشىنىڭ كەلىسىمشارتتارىنىڭ كۇشى بىرجاقتاما جويىلدى. كۇردەلى ماسەلەنىڭ ءبىرى – وزەن ارنالارىندا, اۋىل شارۋاشىلىعى جەرلەرىندە پايدالى قازبالاردى زاڭسىز پايدالانۋ دەرەكتەرىنىڭ ورىن الۋى. پروكۋراتۋرا ورگاندارىمەن بىرلەسىپ, كەڭ تارالعان پايدالى قازبالاردى ءوز بەتىنشە پايدالانۋدى توقتاتۋ ءۇشىن وبلىس اكىمدىگى جانە مۇددەلى مەملەكەتتىك ورگاندارمەن بىرلەسكەن وڭىرلىك ءىس-شارا جوسپارى ازىرلەندى», – دەدى گ. سامەتوۆا.
باسقارما باسشىسىنىڭ بايانداماسىن تىڭداعان وبلىس اكىمى ومىرزاق ەستاي ۇلى جەر قويناۋىن پايدالانۋشىلاردىڭ كەلىسىمشارتتارىن تۇگەل قايتا تەكسەرىپ, وبلىستىق كوميسسيا قۇرۋدى تاپسىردى. سونداي-اق, شارت نەگىزىن بۇزعان كەز كەلگەن جەر قويناۋىن پايدالانۋشىمەن كەلىسىم بۇزىلاتىنىن ايتتى.