ءبىزدى, پسيحولوگتاردى, اناليتيكتەردى, ازاماتتاردىڭ پروبلەمالىق ماسەلەلەرىمەن جۇمىس ىستەيتىن قوعام قايراتكەرلەرىن, ەموتسيونالدىق شيەلەنىستى تومەندەتۋ جانە قوعامداعى قاۋىپسىزدىك سياقتى ءومىرىمىزدىڭ اسا ماڭىزدى قۇرامداس بولىكتەرى الاڭداتادى.
كەز كەلگەن بەلگىسىزدىك ەكىگە ايىرىلىپ تۇرعان جول تورابى ىسپەتتەس. كۇتۋ رەجىمى ۇزاققا سوزىلماۋى ءتيىس, سەبەبى بۇل كەلەڭسىز جاعدايلارعا نە بولماسا قوعامدا نەگىزسىز شيەلەنىستىڭ وسۋىنە اكەلۋى مۇمكىن.
مەملەكەت باسشىسى «جوعارى بيلىك تۇراقتى جانە تىنىش جاعدايدا بەرىلگەنىن» اتاپ ءوتتى. بۇل تۇراقتىلىقتى ساقتاپ قالۋ وڭايعا سوقپايتىنىن ءبىز كورشى ەلدەردىڭ مىسالىندا كورە الامىز.
قوعامدىق-ساياسي كەلىسىمدى قامتاماسىز ەتۋ, جوسپارلاردى قۇرۋ, الەۋمەتتىك-ەكونوميكالىق دامۋ مىندەتتەرىن شەشۋ جانە ولار ءۇشىن جاۋاپكەرشىلىك الۋعا ايقىندىق قاجەت.
ەلىمىزدىڭ قازىرگى پرەزيدەنتى سايلاۋ ءادىل, اشىق, ءمولدىر بولادى دەپ جاريالادى. الەمدىك ۇدەرىستەر ۇلكەن قارقىنمەن داميدى جانە دە قازىرگى بەلگىسىزدىك – ءبىزدىڭ ەلىمىز ءۇشىن تىم قاۋىپتى جانە نەگىزسىز.
بۇل شەشىمدى دەر كەزىندە دانا ساياساتكەرلەر قابىلداعان, ءبىز ولاردىڭ تاجىريبەسىنە سەنىپ, بارلىعىمىز ءۇشىن وتە ماڭىزدى ماسەلەنى شەشۋدە ءوزىمىزدىڭ ازاماتتىق بەلسەندىلىگىمىزدى كورسەتۋىمىز قاجەت.
پرەزيدەنتتىڭ كەزەكتەن تىس سايلاۋ تۋرالى ۇندەۋىن تىڭداي وتىرىپ, ءبىز ونىڭ ەش كۇمان مەن بەلگىسىزدىككە جول بەرمەي, بارىنشا تەزىرەك ءوتۋى كەرەك دەگەن پىكىرگە كەلدىك. بۇل ءبىز ءۇشىن شىن مانىندە وزەكتى شەشىم, مەنىڭ ويىمشا, ءبىزدىڭ ەلباسى قويعان مىندەتتەرگە قول جەتكىزۋدەگى باستى قادام بولادى. ءبىز ونى قولدايمىز.تاتيانا ساۆيتسكايا,
قاراعاندى وبلىسى مەدياتسيا ورتالىقتارىنىڭ باسشىسى
قاراعاندى