ەلباسى پرەزيدەنتتىك وكىلەتتىگىن توقتاتۋ تۋرالى ءوز شەشىمىن قابىلداعاننان كەيىن قازاقستان رەسپۋبليكاسى كونستيتۋتسياسىنىڭ 48-بابىنا سايكەس, بۇل ءمىندەتتى پارلامەنت سەناتىنىڭ ءتوراعاسى اتقارادى. ول وسى قىزمەتتى جاڭا ەل پرەزيدەنتى سايلانعانعا دەيىن اتقارۋعا ءتيىس. سول سەبەپتى قازىرگى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ, ياعني 2019 جىلدىڭ 9 ءساۋىرىندە قازاقستان حالقىنا ارناعان ۇندەۋىندەگى قازاقستان رەسپۋبليكاسى پرەزيدەنتىنىڭ سايلاۋىن كەزەكتەن تىس وتكىزۋ تۋرالى شەشىمىن تولىق قولدايمىن.
قاسىم-جومارت توقاەۆتىڭ بۇل شەشىمى ەلدەگى تۇراقتىلىقتى ساقتاپ جانە بەيبىت بولاشاق ءۇشىن جاسالعان تاريحي قادام دەپ سانايمىن. بۇل شەشىم ساياسي جاعىنان دا ۇتىمدى. قازاقستان قازىرگى ۋاقىتتا حالىقارالىق جۇيەدە لايىقتى ورنىن تاپقان ەل. بەدەلدى مەملەكەت رەتىندە بۇكىل الەم مويىندايدى. ال بىراق, جاسىراتىنى جوق, قاي ەلدە بولسىن, پرەزيدەنت ءمىندەتىن ۋاقىتشا اتقاراتىن ادامعا سەنىم از بولادى. ەلدىڭ ىشكى, سىرتقى جاعدايى, ينۆەستيتسيا تارتۋ جانە ت.ب. ماڭىزدى ماسەلەلەردە ءارتۇرلى كوزقاراستار تۋىنداۋى مۇمكىن. سوندىقتان ەل پرەزيدەنتى جالپىحالىقتىق سايلاۋدا ەل سەنىمىن اقتاۋى ءۇشىن باسىم داۋىسپەن سايلانۋى ءتيىس. بۇل – حالىق تاڭداۋى بولادى. مۇنى وزگە دە ەلدەردىڭ قاراپ وتىرعانى ءسوزسىز. دەمەك, ۋاقىت وزدىرۋدىڭ قاجەتى جوق جانە ءادىل سايلاۋ وتكىزىلۋى ءتيىس.
مىنە, وسى ورايدا پرەزيدەنت قاسىم-جومارت توقاەۆ سايلاۋدىڭ اشىق ءارى ءادىل وتۋىنە كەپىلدىك بەرەمىن, بۇل مەنىڭ بەرىك ۇستانىمىم دەپ قاداپ ايتتى. ساياسي پارتيالار, ياكي قوعامدىق ۇيىمدار اتىنان ولاردىڭ وكىلدەرى قاتىسا الادى. ولاردىڭ قايسىسى دا تەڭ قۇقىقتى پايدالانادى. بۇل ورايدا قازىرگى پرەزيدەنتتىڭ حالىق الدىنا ادىلدىكتى تۋ ەتىپ ۇستاناتىنىن اشىق ايتقانى كوڭىلگە قونىمدى بولدى. سونىڭ ءىشىندە از عانا ۋاقىت بولسا دا, ۇكىمەت مۇشەلەرىمەن, وبلىس اكىمدەرىمەن, ەل ىشىمەن كەزدەسۋ بارىسىندا ايتقان ءتۇيىندى ويلارى حالىقتىڭ كوڭىلىنەن شىقتى دەپ ويلايمىن.
يراك ەلەكەەۆ, قوعام قايراتكەرى