قازاقستاندىق بىتىمگەرشىلەردىڭ ينسپەكتسيالىق تەكسەرۋىن ليۆانعا كەتەر الدىنداعى ەمتيحان دەپ اتاۋعا بولادى. ولارعا ازاماتتىق ادامداردى قورعاۋ بويىنشا بريفينگ وتكىزىپ, تاريح, كۇشتەردى ورنالاستىرۋ جانە لبۇۇۋك اعىمدى قاۋىپ-قاتەر, ليۆاننىڭ قارۋلى كۇشتەرى مەن ءيزرايلدىڭ قورعانىس كۇشتەرى, قاقتىعىستار تاريحى, مانداتتى قوسا العاندا ميسسياعا قاتىسۋدىڭ زاڭدىق اسپەكتىلەرى, ءوزارا تۇسىنىستىك تۋرالى مەموراندۋم, ميسسيا مەن كۇشتەردىڭ مارتەبەسى تۋرالى كەلىسىم, سونداي-اق بۇۇ-نىڭ كۇشتەرىنە قويىلعان تالاپتار دەگەن نەگىزگى تاقىرىپتار بويىنشا سىناق تاپسىرۋ قاجەت.
تاجىريبەدە قازاقستاندىق بىتىمگەرلەر بلوك-بەكەتتەردى ۇيىمداستىرۋ جۇمىستارى بويىنشا قويىلعان كىرىسپە تاپسىرمالارمەن, جاۋاپكەرشىلىك اۋماعىن پاترۋلدەۋ, گۋمانيتارلىق جۇكتەردى سۇيەمەلدەۋ بويىنشا جارتى جىل ىشىندەگى كۋرستا شىڭداعان داعدىلارىن كورسەتە وتىرىپ, جەرگىلىكتى جەردىڭ سۇلباسىن قولدانۋ ارقىلى وقۋ-جاتتىعۋ وتكىزەدى.
ءوز كەزەگىندە, بريگادالىق گەنەرال ناگەندرا سينگح قازاقستاندىق بىتىمگەرشىلىك كونتينگەنتىنىڭ وتە جاقسى دايىندىعى ءۇشىن العىسىن ءبىلدىردى. ونىڭ سوزىنە سايكەس قازاقستاندىق بىتىمگەرشىلەر تەك ءوز ءىسىنىڭ شەبەرلەرى عانا ەمەس, ليۆان رەسپۋبليكاسىندا ميسسيانى ورىنداۋ كەزىندە جەكە باسىنىڭ جوعارى قاسيەتتەرىن كورسەتە بىلەدى.