«پەتروپاۆل» شەكارا وتريادىنىڭ «مامليۋتكا» تەمىرجول كولىكتەرىن تەكسەرۋ بولىمشەسىنىڭ شەكارا ناريادى پەتروپاۆلوۆسك تەمىرجول بەكەتىندە توقتاپ تۇرعان «اناپا-كراسنويارسك» باعىتىنداعى № 130 پويىزعا اراق-شاراپ تيەلىپ جاتقان ءساتتىڭ ۇستىنەن ءتۇستى دەپ حابارلايدى ۇقك شق ءباسپاسوز قىزمەتى.
ەشقانداي قۇجاتسىز, 457 712 تەڭگەگە باعالانىپ تيەلىپ جاتقان 110 شولمەك (220 ليتر) شاراپتىڭ, 30 شولمەك (60 ل.) كونياكتىڭ, 78 شولمەك (156 ليتر) اراقتىڭ, 28 شولمەك (56 ليتر) مۋسكات شارابىنىڭ, 14 شولمەك (28 ليتر) الما شارابىنىڭ بارلىعى قولدان جاسالعاندىعى انىقتالدى. ءدال سول جەردەن پويىز باستىعى, 1972 جىلى تۋعان رەسەي ازاماتى ۇستالدى. قولدان جاسالعان اراق-شاراپ اكتىلەنىپ سولتۇستىك قازاقستان وبلىسى بويىنشا مەملەكەتتىك كىرىس دەپارتامەنتىنە تاپسىرىلدى.