بەيبىتشىلىك. زاڭدىلىق. تۇراقتىلىق. تاۋەلسىزدىك جىلدارى ءبىزدىڭ مەملەكەتىمىزدەگى ساياساتتىڭ ءۇش قۇرامداس بولىگىنە اينالعان وسى ۇشەۋى ەلىمىزدىڭ تابىستى دامۋىنىڭ نەگىزى بولدى.
ۇكىمەتتىك ەمەس ۇيىمدار سەكتورى ءۇشىن ناقتىلىق كەرەك جانە ءبىزدىڭ تابىسىمىزدىڭ ساقتالۋى كەپىلدەندىرىلەتىن جاعدايدا جۇمىس ىستەۋ وتە ماڭىزدى.
ارينە, كەزەكتەن تىس سايلاۋدىڭ دەر كەزىندە جاريالانعاندىعى ەش كۇمان تۋدىرمايدى. مۇنىڭ ءوزى ءبىزدىڭ تۇراقتى بولاشاعىمىزدىڭ, ەكونوميكا, مادەنيەت, الەۋمەتتىك ءومىردىڭ بارلىق سالالارىنىڭ ءارى قاراي ەكپىندى دامۋىنىڭ كەپىلى. سونىمەن ءبىرگە سايلاۋدىڭ وتكىزىلۋى قازاقستاننىڭ ورتالىق ازيا وڭىرىندەگى كوشباسشى جانە تۇراقتىلىق ءدىڭگەگى رەتىندەگى ءمارتەبەسىن نىعايتا تۇسەدى.
وكىنىشكە قاراي, سوڭعى كەزدەرى تۇرعىنداردىڭ كەيبىر ساناتى ەلدىڭ قازىرگى پرەزيدەنتى قاسىم-جومارت توقاەۆتىڭ قازاقستان رەسپۋبليكاسىنىڭ اتا زاڭىندا كورسەتىلگەن بەلگىلى شەكتەۋلەردى ەسەپكە الا وتىرىپ بەرىلگەن وكىلەتتىگىنىڭ تولىقتىعى جونىندە قاڭقۋ سوزدەرگە سەنە باستادى.
مىنە, باسقا ۋاقىتتا ەمەس, ءدال قازىر ەلباسى نۇرسۇلتان ءابىش ۇلى نازارباەۆ مۇرىندىق بولعان باعدارلامالىق قۇجاتتاردى ىسكە اسىرۋ تەك ۇزاق مەرزىمگە سايلانعان زاڭدى بيلىك جاعدايىندا عانا ءساتتى جالعاسىن تابادى. ال اۋقىمدى وزگەرىستەردى قىسقا ۋاقىت ارالىعىندا جۇزەگە اسىرۋ مۇلدە مۇمكىن ەمەس.بىزدەر سياقتى ۇكىمەتتىك ەمەس ۇيىمدار سەكتورى ءۇشىن قازاقستاننىڭ تۇڭعىش پرەزيدەنتى نەگىزىن قالاعان مەملەكەت پەن ازاماتتىق قوعام اراسىنداعى تابىستى ىنتىماقتاستىقتىڭ جاڭا پرەزيدەنت كەلگەندە جالعاسىن تاپقانى ايرىقشا ماڭىزدى.
ەلباسى باستاماشى بولعان جانە ەلىمىزدىڭ ءاربىر تۇرعىنىنىڭ يگىلىگى ءۇشىن جۇزەگە اسىرىلىپ جاتقان شارالاردىڭ بارلىعى جاڭادان سايلانعان پرەزيدەنتتىڭ ساياساتىندا يگى جالعاسىن تابۋى كەرەك.
ءوندىرىستىڭ ءارى قاراي ءوسۋىنە باعىتتالعان باعدار, جۇمىس ورىندارىنىڭ كوبەيۋى مىندەتتى ءتۇردە جالعاسۋى كەرەك! الداعى سايلاۋ ەلباسىنىڭ كەمەڭگەر ساياساتىنىڭ, ۇلى باستامالارىنىڭ جالعاسى رەتىندە تانىلىپ, قازاقستان حالقىنىڭ سەنىمى مەن قولداۋىنا يە بولاتىنىنا ەش كۇمان كەلتىرمەيمىز!دميتري پولتارەنكو,
«قازاقستان ازاماتتارى» قوعامدىق بىرلەستىگىنىڭ ديرەكتورى
قاراعاندى