قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ءوزىنىڭ كەمەل ويلى, كەڭ تىنىستى كەمەڭگەرلىگىن, شەشىمدىلىگىن, بىلىكتىلىگىن تاعى دا تانىتتى. ەلىمىز ءۇشىن تاعدىرلى كەزەڭدە حالىق كۇتكەن شەشىم قابىلدادى. پرەزيدەنتتىڭ كەزەكتەن تىس سايلاۋى 9 ماۋسىمعا تاعايىندادى. عارىشتىق جىلدامدىقپەن دامىپ بارا جاتقان مىنا الماعايىپ زامان, ب ۇلىڭعىر كەزەڭدە دارا تۋعان دارىندار ۋاقىتتىڭ الدىن وراپ, جەدەل ارەكەت جاسايدى. پرەزيدەنتتىڭ كەزەكتەن تىس سايلاۋى تۋرالى جارلىق سونداي كورەگەندىكتىڭ كەرەمەت كورىنىسى. ۋاقىت ىرعالىپ, جىرعالۋدى كۇتپەيدى.
قازاقستان رەسپۋبليكاسىنىڭ پرەزيدەنتىن سايلاۋ كۇنىن بەلگىلەردە قاسىم-جومارت توقاەۆ تۇڭعىش پرەزيدەنت-ەلباسى نۇرسۇلتان نازارباەۆپەن اقىلداسىپ, قوس پالاتانىڭ سپيكەرلەرىمەن, پرەمەر-مينيسترمەن كەڭەسىپ, پارتيا جەتەكشىلەرىمەن كەزدەسىپ, كونستيتۋتسيالىق كەڭەستىڭ كەلىسىمىنە جۇگىنىپ, ءوزىنىڭ جەتى ەمەس, جەتپىس رەت ولشەپ ءبىر كەسەتىن شەشىمدى, كەلىسىمدى كەمەڭگەرلىگىن تاعى دا تانىتتى.
– ىرىس قايدا باراسىڭ؟
– ىنتىماققا.
– باقىت قايدا باراسىڭ؟– بىرلىككە!. – دەيدى ەسكىدەن جەتكەن ەستى ءسوز. ءبىز ىنتىماق, بىرلىگى جاراسقان ەلمىز. كوشباسشىسى كەمەڭگەر, ەلى ەڭبەككەر بولسا, وندا الىنبايتىن اسۋ جوق.
حالقىن ويلاعان قاشاندا ۇلى. ءبىزدىڭ ەلباسىمىز ن.ءا.نازارباەۆ تا, پرەزيدەنتىمىز قاسىم-جومارت توقاەۆ تا ەل باعىنا تۋعان سونداي تۇلعالار! اللا تاعالا الاشقا نۇرىن توگىپ تۇر, ماڭدايىنان ءسۇيىپ تۇر. ەلىمىز امان, جۇرتىمىز تىنىش بولسىن! ءسابيت دوسانوۆ,
جازۋشى, مەملەكەتتىك سىيلىقتىڭ لاۋرەاتى,
الماتى