قازاندا ۇستەل تەننيسىنەن 2018/2019 جىلعى ماۋسىم اياقتالىپ, 16 كوماندا اراسىنداعى سۋپەرليگا مارەسىنە جەتتى. اتالعان سىنعا قاتىسقان تتس «Astana» كومانداسى بىرىنشىلىكتە بەسىنشى ورىنعا تۇراقتادى دەپ جازادى Olympic.kz.
سوڭعى جارىس كۇنىندە قازاقستاندىق كوماندا ءبىر ويىندا جەڭىپ, ءبىر ويىندا جەڭىلىسكە ۇشىرادى. وسىلايشا, جالپى ەسەپتە بەسىنشى ورىن يەلەندى.
«رەسەي سۋپەرليگاسىندا شەبەرلىك شىڭداعانامىز ءبىز ءۇشىن ۇلكەن تاجىريبە. مۇنى فەدەراتسيا ۇسىنعان ءساتتى جوبا دەپ ايتۋعا بولادى. تتس «Astana» كلۋبى كەز كەلگەن قارسىلاس قالپاقپەن ۇرىپ الاتىن وسال كوماندا ەمەس. ءبىز بارلىق 15 كلۋبقا دا تويتارىس بەرىپ, ءوزىمىزدىڭ ۇزدىكتەر قاتارىنان ەكەنىمىزدى دالىلدەدىك», - دەيدى قازاقستان كومانداسىنىڭ اعا باپكەرى دميتري پەرەۆەرزەۆ.
قازانداعى ون ويىننىڭ توعىزىندا جەڭىسكە جەتكەن زاۋرەش اقاشەۆا كوماندا ۇزدىگى سانالادى. ال اناستاسيا لاۆروۆا جەتى ويىندا ءوز مىقتىلىعىن كورسەتكەن.