قىلمىستى ىشكى مەملەكەتتىك اۋديت دەپارتامەنتى اشكەرەلەگەن. ءبىر قىزىعى, باس ەسەپشىنىڭ 9,2 ملن تەڭگەنى قالتاسىنا باسقانى جايلى ەشكىم شاعىمدانباعان. تەك ءبىر ادامنىڭ عانا ارىزدانۋعا باتىلى جەتكەن.
«كۇدىكتى زاڭعا قايشى ارەكەتتەر جاساۋمەن قاتار ەڭبەك, سالىق, بيۋدجەت زاڭنامالارىن دا ورەسكەل بۇزعان. سالىقتاردى تولەمەگەن, تاربيەشىلەردىڭ اتىنا زەينەتاقى اۋدارىمدارىن جاساماعان», دەيدى ىشكى مەملەكەتتىك اۋديت دەپارتامەنتى باسشىسىنىڭ ورىنباسارى زاۋرەش قاپاروۆا.
قارجىنى جىمقىرۋ فاكتىلەرى ايىرتاۋ اۋدانىنىڭ ءبىلىم بولىمىندە دە تىركەلگەن. ساۋمالكول مەكتەپ-ينتەرناتىنىڭ شاتىرىنا بولىنگەن قاراجاتتى الدەكىمدەر پىشاق ءۇستى ءبولىپ العان.
تەك بيىلدىڭ وزىندە 26 لاۋازىمدى تۇلعاعا تارتىپتىك, وسىنشا ادامعا اكىمشىلىك شارا كورىلگەن. پىسىقايلار 31 ميلليون تەڭگەنى قىمقىرىپ, بيۋدجەتتىڭ تۋ-تالاقايىن شىعارعان.
دەپارتامەنتتىڭ ءبولىم جەتەكشىسى ەردوس باگەنوۆتىڭ ايتۋىنشا, كامەرالدىق باقىلاۋ جۇيەسى بويىنشا جيىنتىق قۇنى 82 ميلليارد تەڭگەنىڭ 25 000 لوتى تەكسەرىلىپ, 12 ميلليارد تەڭگەنىڭ زاڭ بۇزۋشىلىعى انىقتالعان. كونكۋرستى ۇيىمداستىرۋشىلار قۋ قۇلقىننىڭ قامى ءۇشىن نەبىر قۇيتىرقى ارەكەتتەرگە ارلانباستان بارادى ەكەن. زاڭ تالاپتارى مەن شارتتاردى كەرى سىرىپ تاستاپ, وزدەرى ويلاپ تاپقان «ەرەجەمەن» جۇمىس ىستەيتىن كورىنەدى. باسى ارتىق قۇجاتتار سۇراتىپ, اۋرە-سارساڭعا سالىپ قوياتىن مىسالدار دا از كەزدەسپەيدى.
سولتۇستىك قازاقستان وبلىسى