جيىنعا جوعارى وقۋ ورىندارىنىڭ عالىمدارى, پروفەسسورلىق-وقىتۋشىلار قۇرامى, دوكتورانتتار, ماگيسترانتتار مەن ستۋدەنتتەر قاتىستى. شارانىڭ ماقساتى – لاتىن الىپبيىنە كوشۋدىڭ ماڭىزدىلىعى تۋرالى تەرەڭ ماعلۇمات بەرۋ, قوعامدىق پىكىر قالىپتاستىرۋ.
دوڭگەلەك ۇستەلدى اتۋ-دىڭ ءبىرىنشى پرورەكتورى, پروفەسسور باۋىرجان نۇراحمەتوۆ اشىپ بەردى. اتالمىش باسقوسۋدا ارنايى شاقىرىلعان ءتىل ماماندارى مەن شەت تىلدەرى كافەدراسىنىڭ پروفەسسور-وقىتۋشىلارى, ستۋدەنتتەر لاتىن الىپبيىنە كوشۋدىڭ ماڭىزدىلىعى جايىندا پايىمدى پىكىرلەرىمەن ءبولىستى.
شارا بارىسىندا لاتىن الىپبيىنە كوشۋ ماڭىزدىلىعى مەن جاڭا جۇيەدەگى ەملە-ەرەجەلەر سارالاندى. اتۋ «مەملەكەتتىك جانە شەتەل تىلدەرى» كافەدراسىنىڭ اعا وقىتۋشىسى, «قازاق ءتىلى» قوعامىنىڭ ءتورايىمى قارلىعا ءابدىراحمانوۆا «قازاق جازۋىندا قولدانىپ كەلگەن الىپبيلەر» تاقىرىبىندا بايانداما جاسادى. ال س.ج.اسفەندياروۆ اتىنداعى ۇمۋ اق, «تىلدىك پاندەر» كافەدراسىنىڭ دوتسەنتى, ف.ع.ك. تولەۋبەك زايسانباەۆ «مەديتسينالىق تەرميندەردى لاتىن الىپبيىمەن جازۋدا كەزدەسەتىن قيىندىقتاردى شەشۋ جولدارى» تاقىرىبىندا ءوزىنىڭ پىكىرىمەن ءبولىستى.
بۇدان باسقا شاراعا سپيكەر رەتىندە اباي اتىنداعى قازۇپۋ پروفەسسورى, ف.ع.د. قالامقاس قالىباەۆا, اباي اتىنداعى قازۇپۋ پروفەسسورى, ف.ع.د. گۇلبانۋ قوسىموۆا, ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى, ف.ع.ك. دانا پاشان, ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى, ف.ع.ك. الفيا سولتانبەكوۆا, قرمۋ «ءتىل پاندەرى» كافەدراسىنىڭ كاسىبي قازاق ءتىلى ءپانىنىڭ وقىتۋشىسى ريمما قۇلاباەۆا, ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى, ف.ع.ك. گۇلجيحان كابدەنوۆا, تىلدەردى دامىتۋ جانە ۇيلەستىرۋ جۇمىستارى ءبولىمىنىڭ باسشىسى باقىت قالىمبەتوۆ, الماتى قالالىق ارداگەرلەر كەڭەسىنىڭ مۇشەسى حاديشا ساتىبالدينا قاتىستى.
سونداي-اق, دوڭگەلەك ۇستەلدە قازاق ءتىلىنىڭ جاڭا الىپبيىنە قاتىستى وزگە دە وزەكتى ماسەلەلەر تالقىلاندى, عالىمدار قاتىسۋشىلاردىڭ ساۋالدارىنا دا جان-جاقتى جاۋاپ بەردى. ءوز سوزىندە جيىنعا قاتىسۋشى عالىمدار لاتىن الىپبيىنە كوشۋدىڭ تيىمدىلىگىن, زامان تالابى ەكەنىن ايتتى.
ايتا كەتەيىك, بۇگىندە الماتى تەحنولوگيالىق ۋنيۆەرسيتەتىندە ءالىپبيدى لاتىن گرافيكاسىنا كوشىرۋگە وراي بىرقاتار جۇمىستار ىستەلۋدە. 2018 جىلعى ماۋسىم ايىندا ۋنيۆەرسيتەت رەكتورىنىڭ بۇيرىعىمەن «رۋحاني جاڭعىرۋ» ورتالىعى قۇرىلدى. وسى رەتتە «مەملەكەتتىك جانە شەت تىلدەرى» كافەدراسىنىڭ مەڭگەرۋشىسى زاۋرەش اۋحاديەۆا باستاعان وقىتۋشىلار ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىنىڭ سەمينارىنا, الماتى قالاسى اكىمدىگى تىلدەردى دامىتۋ باسقارماسىنىڭ ۇيىمداستىرعان «قازاق ءتىلى ەملەسىنىڭ نەگىزگى ەرەجەلەرىنىڭ جوباسىن» تالقىلاۋعا قاتىستى. ۋنيۆەرسيتەتتىڭ «تەحنولوگ» گازەتى لاتىن ءالىپبيى نەگىزىندە ماقالالار توپتاماسىن جاريالاپ ءجۇر جانە ۋنيۆەرسيتەتتىڭ بارلىق قۇرىلىمدىق بولىمدەر اتاۋلارى بىرتىندەپ لاتىن قارپىندە جازىلىپ كەلەدى.