كاسىپورىندى ىسكە قوسۋ شىعىس قازاقستان وبلىسى, شەمونايحا اۋدانى جانە پەرۆومايكا اۋىلى ءۇشىن ماڭىزدى وقيعا. سەبەبى, 10 جىل بويى توقتاپ تۇرعان بىرەگەي كاسىپورىن قايتا ىسكە قوسىلدى. تابىستى قىزمەت جاڭا جۇمىس ورىندارىن قۇرۋ ارقىلى ءوڭىردىڭ الەۋمەتتىك-ەكونوميكالىق جاعدايىن جاقسارتۋعا ۇلەس قوسادى.
كاسىپورىن ديرەكتورى ۆيكتور پوپوۆ الداعى ەكى-ءۇش جىلدا شەشىلۋى ءتيىس مىندەتتەردى اتاپ ءوتتى. ونىڭ ايتۋىنشا, شىعارىلاتىن ونىمگە ۇلكەن سۇرانىس بار. جاپونيادان تاپسىرىستار ءتۇسىپ جاتىر. 2019 جىلدان 2021 جىلعا دەيىن 25 ملن. دوللاردىڭ ءونىمىن شىعارۋ جوسپارلانۋدا (500 توننا جوعارى ساپالى تيتان جانە 120 توننا نيوبي).
تيتان قۇيمالارىن شىعارۋدان باسقا تاعى ءۇش تسەح سالۋ جوسپارلانۋدا. ولار: سوعۋ, تاباق پروكاتتارىن جانە قۇبىر پروكاتتارىن شىعاراتىن تسەحتار. كاسىپورىننىڭ 10 جىلعا ارنالعان دامۋ باعدارلاماسى جاسالدى. 2024 جىلعا دەيىن سوعۋ, تاباق پروكاتتارى جانە قۇبىر پروكاتتارى وندىرىسىنە ارنالعان جابدىقتاردى سالۋعا جانە جەتكىزۋگە تارتىلعان ينۆەستيتسيا كولەمى 100 ملن. اقش دوللارىن قۇرايدى.
سونداي-اق, رادارلىق جانە عارىشتىق تەحنيكا ءۇشىن تانتال جانە نيوبي ميكروكوندەنساتورلار ءوندىرىسىن جولعا قويۋ جوسپارلانۋدا.