وزدەرىڭىز بىلەتىندەي, 9 ساۋىردە قر پرەزيدەنتى قاسىم-جومارت توقاەۆ قازاقستان حالقىنا ۇندەۋ جاساپ, پرەزيدەنتتىڭ كەزەكتەن تىس سايلاۋىن وتكىزۋ تۋرالى شەشىمىن جاريالادى. ەلىمىز ءۇشىن اسا ماڭىزدى ساياسي وقيعانى جاس كوشباسشىلار تاريحي شەشىم رەتىندە قاراستىرىپ وتىر.
وسىعان وراي ءسوز سويلەگەن پارلامەنت دەپۋتاتى, قوعامدىق كەڭەس توراعاسى باحتيار ماكەن سايلاۋدىڭ ارتىقشىلىقتارىنا توقتالدى.
«وزدەرىڭىزگە ءمالىم, جۋىردا عانا ەلباسى ن.نازارباەۆ پرەزيدەنتتىك وكىلەتىن سەنات سپيكەرىنە تابىستادى, كوپ ۇزاماي جاڭا ەل پرەزيدەنتى, قاسىم-جومارت كەمەل ۇلى كەزەكتەن تىس سايلاۋ وتەتىنىن جاريالادى. وسى ارقىلى بيلىكتىڭ اۋىسۋىنداعى ساباقتاستىق ساقتالىپ, بەلگىسىزدىك جاعدايى جويىلماق. وسىنىڭ ءبارى قوعامدا ورنىقتىلىقتى, ەلدە كەلىسىمدى ساقتاۋ ءۇشىن, الەۋمەتتىك-ەكونوميكالىق دامۋ مىندەتتەرىن شەشۋ ءۇشىن اسا قاجەت قادام», - دەدى باحتيار ماكەن.
ءوز سوزىندە «جاس وتان» جق توراعاسى دانيار سۇندەتباەۆ:
«جاستار ساياساتى ءۇشىن دە بۇل شەشىمنىڭ ورنى ايرىقشا. ويتكەنى, جاس بۋىن, جاس ۇرپاق ءوزىن ەلىننىڭ تولىققاندى ازاماتى رەتىندە سەزىنىپ, ءوز كونستيتۋتسيالىق قۇقىعىن قولدانا الادى. ال بيلىكتىڭ اۋىسۋىنداعى ساباقتاستىق, قوعامدىق ورنىقتىلىق ءار سالالارداعى رەفورمالاردى اياعىنا دەيىن جەتكىزۋگە, ءىرى جوبالاردى جۇزەگە اسىرۋعا جول اشادى.