جوبانىڭ اۆتورى ءارى باس پروديۋسەرى ءاليا نازارباەۆا, ۇيىمداستىرۋشىسى «جاندانۋ الەمى» مەن تۇڭعىش پرەزيدەنت قورلارى بولىپ سانالاتىن ەلىمىزدەگى ەڭ اۋقىمدى بالالار ءان بايقاۋىندا قازىلار القاسى جاس دارىندارعا ءتۇرلى باعىتتاعى اندەردى ايتقىزىپ, داۋىسى مەن ۆوكالدىق قابىلەتتەرىن سىنادى. قازىلار القاسىنىڭ قۇرامىنداعى مۋزىكالىق پروديۋسەر فاريدا نيازوۆا جانە تانىمال قازاقستاندىق ورىنداۋشى بالجان بيداش كيەلى ولكەنىڭ جاس دارىندار اراسىنان ۇزدىك داۋىس يەسىن انىقتاۋدا كاسىبي پىكىرلەرىن ءبىلدىردى. ءسويتىپ ءتولەبي اۋدانىنىڭ ورتالىعى لەڭگىردىڭ كىشكەنتاي تۇرعىنى مەيرامبەك شالxارباي بايقاۋدىڭ اقتىق كەزەڭىنە جولداما الدى. جوبانىڭ تالىمگەرى بالجان بيداشتىڭ ايتۋىنشا, 11 جاستاعى مەيرامبەك سىڭعىرلاعان داۋىسىمەن, مۋزىكانى ءمىنسىز ۇعىنۋ قابىلەتىمەن تاڭعالدىرعان. ونىڭ ەرەكشە ارتىستىك قابىلەتى دە كوپشىلىكتى ءسۇيسىندىردى. جوبانىڭ اقتىق كەزەڭىندە تۇركىستان وبلىسىنىڭ اتىنان ونەر كورسەتەتىن مەيرامبەك ەندى كۇزدە ەلىمىزدىڭ باسقا ايماقتارىنىڭ جەڭىمپازدارىمەن «جۇلدىزدى ارمان ۇيىندە» كەزدەسەدى.
«بالا داۋىسى» بايقاۋىنىڭ ۇيىمداستىرۋشىسى تولعاناي حاسەننىڭ ايتۋىنشا, سۋپەرفينالعا دايىندالۋ ماقساتىندا بالالار ۆوكال, حورەوگرافيا جانە ارتىستىك قابىلەتتەرىن ارتتىراتىن ساباقتارعا قاتىسادى. ال 25-27 قازان كۇندەرى جوبانىڭ اقتىق باعدارلامالارىندا ونەر كورسەتىپ, بايقاۋعا ارنايى جازىلعان ءاندەردى ورىندايدى. ياعني, ءاربىر بالاعا اۆتورلىق ءان جازىلادى. بايقاۋدىڭ سوڭىندا 17 فيناليستىڭ قاتىسۋىمەن كونتسەرت, ميۋزيكل وتكىزىلەدى. ال «بالا داۋىسى-2019» بايقاۋىنىڭ جەڭىمپازى مۋزىكالىق وقۋ ورنىندا ءبىلىم الۋعا مۇمكىندىك بەرەتىن گرانت پەن سيقىرلى ديسنەيلەندكە ساياحات جولداماسىن ۇتىپ الادى.
تۇركىستان وبلىسى