بۇل شەشىم مەملەكەتىمىز ءۇشىن قازىرگى ۋاقىتتا وتە ماڭىزدى بولىپ تابىلادى. ءبىز, قازاقستان حالقى, بۇل سايلاۋدىڭ ەلىمىزدىڭ سەنىممەن العا جىلجۋىنا كومەكتەسەتىنىن جانە الدىمىزدا تۇرعان بەلگىسىزدىكتى ايقىن قىلاتىنىن ءتۇسىنۋىمىز كەرەك.
قازىرگى بولىپ وتىرعان بەلگىسىزدىك جاعداي حالىقتىڭ وي-پىكىرىنە كەيبىر تۇسىنىكسىزدىك پەن ب ۇلىڭعىرلىق بەرىپ وتىر. سوندىقتان قاسىم-جومارت توقاەۆ ەكونوميكانى دامىتۋ جانە سىرتقى سەرىكتەستەرمەن قاتىناستاردى نىعايتۋ ءۇشىن سايلاۋدى العا جىلجىتۋ قاجەتتىلىگىن اتاپ ءوتتى.
سايلاۋ ساياسي بەلگىسىزدىك جاعدايىنا ءتان جاعىمسىز ۇردىستەردى جوققا شىعارادى. كەزەكتەن تىس سايلاۋ وتكىزۋ قازاقستاننىڭ دامۋىنا, وسۋىنە جانە قازىرگى ۋاقىتتاعى رەسپۋبليكامىزدىڭ ساياسي جاعدايعا بەيىمدەلۋىنە ارنالعان بۇل شەشىم - مەملەكەتىمىز ءۇشىن قاجەتتى جانە ۋاقىتىلى.
جاھاندىق ۇدەرىستەرگە قاتىسۋ ءۇشىن ەلدە ىشكى تۇراقتىلىق قاجەت. ەلىمىزدىڭ ءاربىر ازاماتى ءوز داۋىسىن بەرىپ, رەسپۋبليكامىزدىڭ قانداي باعىتتا داميتىنىن انىقتاۋعا ءوز سەپتىگىن تيگىزۋ وتە ماڭىزدى. حالىق سايلاعان پرەزيدەنت ەل دامۋىنىڭ باعىتىن انىقتاپ قانا قويماي, ەلىمىزدى حالىقارالىق ارەنادا تانىستىرادى.
مەملەكەت باسشىسى قاسىم-جومارت توقاەۆ اتاپ وتكەندەي, الەمدەگى جاعداي كۇرت وزگەرىستەرگە يە جانە حالقىمىز ءۇشىن بۇل جاعدايلار قۇبىلمالى اسەر ەتۋدە. ءبىز ىشكى جانە سىرتقى ساياساتىمىزدىڭ ساباقتاستىعىن, بولجامدىلىعىن جانە تۇراقتىلىعىن نىعايتۋىمىز كەرەك. الەۋمەتتىك باعدارلامالاردى جانە ەلباسىنىڭ ستراتەگياسىن ءتيىمدى, تابىستى ىسكە اسىرۋ بويىنشا جۇمىستاردى جالعاستىرۋىمىز قاجەت.
قازىر قازاقستان حالقى ءۇشىن وتە ماڭىزدى ۋاقىت. مەن 9 ماۋسىمدا بارلىق قازاقستاندىقتاردى شەتتە قالماۋعا جانە ءوز تاڭداۋلارىڭىزدى جاساۋعا شاقىرامىن!
ەلدىڭ بولاشاعى ءسىزدىڭ شەشىمىڭىزگە بايلانىستى!
ب. ماكەن
پارلامەنت ءماجىلىسىنىڭ دەپۋتاتى,
«Bolashaq» قاۋىمداستىعى كەڭەسىنىڭ توراعاسى