جيىنعا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ, ءبىلىم جانە عىلىم ءمينيسترى كۇلاش ءشامشيدينوۆا, دەنساۋلىق ساقتاۋ ۆيتسە-ءمينيسترى ءلاززات اقتاەۆا, ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي كوممۋنالدىق شارۋاشىلىق كوميتەتىنىڭ توراعاسى مارحابات جايىمبەتوۆ قاتىستى.
حالىقپەن كەزدەسۋ بارىسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆا, ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ, ءبىلىم جانە عىلىم ءمينيسترى كۇلاش ءشامشيدينوۆا تۇڭعىش پرەزيدەنت - ەلباسى نۇرسۇلتان نازارباەۆتىڭ «Nur Otan» پارتياسىنىڭ اقپان ايىنداعى سەزىندە اتاپ وتكەن تابىسى تومەن ازاماتتاردىڭ, كوپبالالى انالاردىڭ, مۇمكىندىگى شەكتەۋلى ازاماتتاردىڭ ءال-اۋقاتىن ارتتىرۋ, ءبىلىم بەرۋ, دەنساۋلىق ساقتاۋ سالالارىنىڭ جانە ءومىر ءسۇرۋ ساپاسىن ارتتىرۋعا باعىتتالعان الەۋمەتتىك باعدارلامالاردى ءتۇسىندىرىپ, سۇراقتارعا جاۋاپ بەردى.