تايلاندتىڭ ساتۋن قالاسىندا جاعاجاي ۆولەيبولىنان ەرلەر اراسىنداعى ءبىرىنشى الەمدىك تۋر ويىندارى وتۋدە. اتالعان سىنعا قازاقستان كومانداسىنىڭ سپورتشىلارى دا قاتىسىپ جاتىر دەپ حابارلايدى Olympic.kz.
توپتىق كەزەڭدە ولەكساندر دياچەنكو مەن الەكسەي سيدورەنكو جۇبى اۆستريالىق قارسىلاستارىن 2:1 ەسەبىمەن جەڭدى (21:7;31:33;15:13).
اتالعان جۇپ ەكىنشى ويىندا ۋكراينالىق قارسىلاستارى ەمەليانچۋك پەن دەنيسكەنونى 2:0 ەسەبىمەن تىزە بۇكتىردى (27:25; 21:14).
ال قازاقستان اتىنان سىنعا تۇسكەن دميتري ياكوۆلەۆ پەن سەرگەي بوگاتۋ جۇبى ءبىرىنشى كەزدەسۋدە ۆەنگريا كومانداسى 1:2 ەسەبىمەن جول بەرىپ, ەكىنشى ويىندا تايپەي كومانداسىنان باسىم ءتۇستى.
وسىلايشا, ەكى قازاقستاندىق جۇپ توپتىق كەزەڭنەن سۇرىنبەي ءوتتى. ەرتەڭ ءبىزدىڭ سپورتشىلار وزگە توپتا قارا ءۇزىپ شىققان كوماندالارمەن كەزدەسەدى. جەرەبە تارتۋ ءراسىمى بۇگىن كەشكە جوسپارلانعان.