بۇگىن, ياعني 8 ءساۋىر كۇنى اكىمدىكتە وتكەن اپپاراتتىق جيىندا iKOMEK109 قالالىق مونيتورينگ جانە جەدەل ارەكەت ەتۋ ورتالىعى قالا اكتيۆىنە قازاقستانداعى العاشقى يننوۆاتسيالىق ءتاسىل – قالالىق اكسەلەراتور جوباسىن تانىستىردى. ونىڭ كومەگىمەن قالالىق بيلىك قالانىڭ جۇيەلى تۇيتكىلدەرىن ەلوردا تىنىس-تىرشىلىگىنىڭ كەز كەلگەن ماسەلەلەرىنە (قوعامدىق كولىك, قۇرىلىس, اباتتاندىرۋ, ءبىلىم, دەنساۋلىق ساقتاۋ جانە ت.ب.) قاتىستى 100 كۇن ىشىندە شەشۋگە ۋادە بەرىپ وتىر.
ايتىپ وتەتىن جايت, بۇل جاڭا بولىمشە, ءتىپتى جاڭا كومپانيا ەمەس, بۇل بۇعان دەيىن iKOMEK109 قالالىق ورتالىعى اياسىندا قۇرىلعان نۇر-سۇلتان قالاسى اكىمدىگى جوبا كەڭسەسىنىڭ جاڭا فۋنكتسياسى.
قالالىق اكسەلەراتور Rapid Results Institute (RRI) ءادىسناماسىنا نەگىزدەلگەن. RRI – 2007 جىلدان باستاپ جۇمىس ىستەيتىن, كۇردەلى الەۋمەتتىك تۇيتكىلدەر شەشىمدەرى مەن ناتيجەلەرگە قول جەتكىزۋدىڭ ىسكە اسىرىلۋىن قولداۋ بويىنشا حالىقارالىق ۇيىم. RRI جوبالاردى ءباا, اقش, ۇلىبريتانيا, يراك, يوردانيا, نەپالدا, كەنيادا تابىستى ىسكە اسىرۋدا.
ەلىمىزدەگى العاشقى ەلوردالىق قالالىق دامۋ اكسەلەراتورى شۇعىل مەرزىم ىشىندە قالا دامۋىنىڭ باستى ماسەلەلەرى بويىنشا جۇمىس تەتىكتەرىن ازىرلەۋ جانە ولاردى سىناۋ ءۇشىن اكىمدىكتىڭ باستى قىزمەتكەرلەرى, سىرتقى ساراپشىلار, بەلسەندى ازاماتتار تارتىلا وتىرىپ, اكىمنىڭ ورىنباسارلارى مەن اكىم جەتەكشىلىك ەتەتىن شتاب قۇرۋعا سايادى. جۇمىس توبى جوبانى يدەيادان تۇبەگەيلى ىسكە اسىرعانشا جانە جوسپارلانعان ناتيجەگە قول جەتكىزىلگەنشە سۇيەمەلدەيتىن بولادى.
جۇيەلى تۇيتكىلدەرگە مونيتورينگ جۇرگىزۋدەگى نەگىزگى قۇرالداردىڭ ءبىرى ەلوردا تۇرعىندارىنىڭ iKOMEK 109 بىرىڭعاي بايلانىس ورتالىعىناباعىتتاعان وتىنىشتەرى نەگىزىندە ناقتى ۋاقىت تارتىبىندە قۇرىلعان قالانىڭ جۇيەلى تۇيتكىلدەرى رەيتينگىسىنىڭ پانەلى. بۇل پانەل
قالالىق دامۋ اكسەلەراتورى زەرتتەيتىن قالانىڭ جۇيەلى تۇيتكىلدەرى تۋرالى دەرەككوزدەردىڭ ءبىرى. بۇگىنگى تاڭدا قالانىڭ ەڭ كوپ تارالعان تۇيتكىلدەرى: اشىق قۇدىقتار,قاڭعىباس جانۋارلار, قوعامدىق كولىك, دەنساۋلىق ساقتاۋ, ءبىلىم, تۇرعىن ءۇي, سۋ باسۋ, قاردى/ مۇزدى تازالاۋ, كوشە جارىعى, جاسىل جەلەكتەردى كۇتىپ-ۇستاۋ, ماسانى, شىركەيلەردى جويۋ ماسەلەلەرى.
قالالىق دامۋ اكسەلەراتورىنىڭ ەكىنشى كەزەڭىن وسى جىلدىڭ ماۋسىمىندا باستاۋ جوسپارلانىپ وتىر. ول سونىمەن قاتار قالانىڭ باسقا دا جۇيەلى تۇيتكىلدەرىن شەشۋگە باعىتتالاتىن بولادى. قالالىق دامۋ اكسەلەراتورىن قۇرۋ قىسقا ۋاقىت ىشىندە ءتيىمدى شەشىمدەر ازىرلەۋگە جانە جىلدام ناتيجەگە قول جەتكىزۋگە, سونىمەن قاتار حالىقتى قالالىق تۇيتكىلدەردى شەشۋگە تارتۋعا كومەكتەسەدى.