بۇگىننەن باستاپ قالا كوشەلەرىن تازالاۋدا جاڭا ءادىس پايدالانۋدا. ول تۋرالى قالا اكىمى باقىت سۇلتانوۆ ءوزىنىڭ Facebook پاراقشاسىندا جازدى.
«بۇگىن ەلوردانىڭ جول تازالاۋ قىزمەتىندە جاڭا ءادىستى قولدانۋدى باستادىق. كوممۋنالدىق قىزمەتتەر العاش رەت قالا جولدارىن ارنايى جۋعىش قۇرال –سۋسابىنمەن جۋا باستادى. ونى قولدانۋ اسفالتتى تايعاققا قارسى ماتەريالداردىڭ قالدىقتارىنان, ەسكىرگەن جاپقىشتاردان, مۇناي قالدىقتارىنان جانە قىسقى ماۋسىمدا پايدا بولعان ماي داقتارىنان تازارتۋعا ىقپال ەتەدى. قاراپايىم سۋمەن مۇنى تازالاۋ مۇمكىن ەمەس. ال بىزگە جول بەلگىلەرىن سالۋ الدىندا كوشەلەردى مۇقيات جۋ وتە ماڭىزدى», دەپ جازدى باقىت سۇلتانوۆ Facebook پاراقشاسىندا.
كوممۋنالدىق قىزمەتتەردىڭ ءشامپۋندى پايدالانۋى جول ساپاسىن جانە جۇرگىزۋشىلەردىڭ قاۋىپسىزدىگىن جاقسارتۋعا سەپتىگىن تيگىزەدى. جۋعىش زات ەشقانداي زياندى زاتتاردى بولمەيدى, ويتكەنى شامپۋن قورشاعان ورتاعا زيانسىز. الداعى ۋاقىتتا كوممۋنالدىق قىزمەتتەردىڭ الدىندا كوپتەگەن جۇمىستار بار, كوشەلەر قاجەت بولسا كۇن سايىن تازارتىلاتىن بولادى, دەپ جازدى اكىم.