نەگىزگى ماقسات جەكە قۇرامنىڭ ماشىعىن, ۆزۆودتاردىڭ, روتالاردىڭ, قۇرامالار مەن بولىمدەر باتالوندارى باسقارمالارىنىڭ جاۋىنگەرلىك دايارلىعىنىڭ شىنايى دەڭگەيىن جان-جاقتى تەكسەرۋ, سونداي-اق بولىمشەلەر مەن ولاردىڭ باسقارۋ ورگاندارىنىڭ جاۋىنگەرلىك دايارلىعى مەن ۇيلەسىمدىلىگى دەڭگەيىن باعالاۋ, جاۋىنگەرلىك دايارلىق جوسپارلارى مەن باعدارلامالارىنىڭ ورىندالۋىنا باعا بەرۋ.
قورعانىس مينيسترلىگىنىڭ ارنايى كەشەندى كوميسسيالارى اقتوبە, اقتاۋ جانە اتىراۋ گارنيزوندارىندا ءساۋىر ايىندا جۇمىس جاسايدى. تەكسەرىلەتىن پاندەر قاتارىندا اتىس, تاكتيكالىق, ارناي دايارلىق, جاۋىنگەرلىك ماشينالاردى جۇرگىزۋ, ينجەنەرلىك, دەنە جانە ساپتىق دايارلىق. كوميسسيا سونداي-اق باعىنىستى قۇرامالاردا جاۋىنگەرلىك دايارلىقتى باسشىلىققا الۋ جونىندە لاۋازىمدى ادامداردىڭ جۇمىسىنىڭ ۇيىمداستىرىلۋ جۇيەسىن, سونداي-اق قارۋ مەن وق-دارىلەردى پايدالانۋ كەزىندە قاۋىپسىزدىك شارالارىنىڭ ساقتالۋى ماسەلەلەرىن تەكسەرەدى.
- ءاربىر اسكەري قىزمەتشىگە جەكە دارا تارتىپتە جانە بولىمشەلەر قۇرامىندا تەوريا جۇزىندە عانا ەمەس, سونىمەن بىرگە, پراكتيكا جۇزىندە ەمتيحان تاپسىرۋعا تۋرا كەلەدى. وقىتۋ پاندەرى بويىنشا باقىلاۋ ساباقتارى بولىمدەردىڭ ۇدايى ورنالاسۋ پۋنكتتەرىندە جانە وقۋ-جاتتىعۋ ورتالىقتارى مەن پوليگونداردا وتۋدە, دەيدى كاپيتان ر.يگيسينوۆ.