بيلىك – ەڭ ۇلى يلليۋزيا

جەتىستىككە كەز كەلگەن تۇل­عا جەتپەيدى. ماسەلە سوندا. ءجى­گەرىڭدى شىڭداۋدىڭ ءتاسىلى كوپ بولعانىمەن, ونىڭ بارلىعى شىنايى ومىردەگى جۇيەدە ىسكە اسا بەرمەيدى. ءوتىمسىز. ىقپالى جوق. بوس يلليۋزيا.

ءبارى ىقپالدىلىقتىڭ ەڭ جو­عارى نۇكتەسىن العىسى كەلەدى. اركىم ءوز مۇمكىندىگىن سىناپ كورەدى. تىرشىلىككە بەيىمدىلىك ۇلكەن تاجىريبەنى تالاپ ەتەدى. ءوزىڭ جەكە ومىرىڭدە توقىراپ ءجۇرىپ, وزگەلەرگە ۇلگى بولۋ ءمۇم­كىن ەمەس. وعان قۇرعاق تەوريالار دا كومەكتەسپەيدى. بيلىككە كەز­دەيسوق ادامدار دا كەلمەيدى.

باسقالارعا ىقپالىڭدى ءجۇر­گىزۋ وڭاي ەمەس. باسقارۋدىڭ ەڭ باس­تى نۇكتەسى – ءوز سەزىمىڭ مەن اقىل پاراساتىڭدى باس­تى ماق­سا­تىڭا قازىقتاي ءبىلۋ. قابى­لەت-قارىمىڭنىڭ ماسشتابى وسى جولدا ايقىندالادى.

جاسىق بولساڭ, ونى ءجۇز ترە­نينگ تە شىڭداي الماي­دى. قادامىڭ باتىل بولسا, جو­لىڭداعى ءجۇز كەدەرگى دە سەنى توق­تاتا المايدى. باس­تى قۇپيا دا وسىندا. وسىنى فيلم ءوز ءتىلىن­دە جاتىق تۇسىندىرەدى. 

قوعامداعى سايقىمازاق ويىن­دار. فيلمدە ونىڭ تابي­عاتى مەن ءتىلى انايى. باسقاشا اشىپ, جەتكىزۋ مۇمكىن ەمەس. سەبەبى ونىڭ بولمىسى تۇنعان   از­عىن­داۋ. بۇل وسى ءداۋىردىڭ باس­ىنان وتكەرىپ جاتقان ۇدەرىسى. اقيق­اتى. تاڭداۋى.

اتا-اناسى ءبىلىم جولىندا وقۋدا دەپ ءۇمىت كۇتكەن قىزدا­رىنىڭ بەينەسى. الەۋمەتتىڭ بەل­گىلى ءبىر ورتاسى مەن دارە­جەسىندەگى جاۋاپكەرشىلىگىن كوتەرىپ ءجۇر دەپ سەنگەن ەر-ازاماتتاردىڭ ءىس-ارە­كەتىنىڭ كورىنىسى. بۇل تاقى­رىپ ۋاقىتىندا زەرتتەلۋى – ءتيىستى قاجەتتىلىك. 

بۇل فيلم – بۇگىنگى قو­عام­ ورەسىنىڭ ايناسى. رەجيس­سەر­دىڭ وسى تاقىرىپ توڭىرە­گىن­دەگى ىزدەنىسى. وزىندىك ءتىلى. دۇنيە­تا­نى­مىنىڭ اششى ءۇنى.

ترەنينگىنىڭ باستى ماقساتى – ادام ساناسىن جاۋلاۋ. ىقپال­دىلىققا ۇيرەتۋ. جىگەرىن شىڭ­داۋ. بەلگىلى ءبىر ماقسات جو­لىن­داعى اعارتۋشىلىق ونەر. قارجى كوزى. بارلىق جولى اي­قىندالعان ءومىردىڭ زاڭدارىن قاي­تا ءبىر ساراپ­تاۋ. زامانعا بەيىم­دەۋ. نا­سي­حاتتاۋ.

فيلمدەگى باستى كەيىپكەر قاناتقا كۋرستاسى دانيار ناعىز ءوز ورتاسىنىڭ اقيقاتىنا جاناساتىن ساباق بەرەدى. ءدارۆيننىڭ ىلىمىمەن ايتقاندا, ءوز ورتاڭنىڭ تىرشىلىك تارتىبىنە قاراي ءىس-ارە­كەتىڭدى دە بەيىمدەۋ. اركىم ءوز ىسىنە جاۋاپتى. اركىم ءوز كۇ­نا­سىن ءوزى كوتەرەدى. السىزدەر ءوز تاڭ­­­داۋىمەن, وزىنە تىم سەنىم­دى­لەر ءوز جولىمەن جۇرەدى. بۇل – فيلم­­نىڭ باستى ءپالساپاسى. 

شەشىم جاسايتىن وي مىنادا. بارلىعى بيلىككە جەتسەم دەيدى. ىقپالدىلىق. دارەجە. مانساپ. اقشا. ەركىندىك. بارلىعىنىڭ كوزدەگەنى وسىندا. سول دەڭگەيدى السام, بارلىعى وزگەرەدى دەپ كۇتەدى. قيالىنداعى اقيقاتىنا سەنەدى. بىراق بيلىكتىڭ بارلىق كۇشى سوندا ما؟!

بيلىكتەگى كوپ شەندىلەردىڭ جيناقتالعان بەينەسى فيلمدە رەجيسسەردىڭ قابىلداۋىندا بۇگىنگى اقيقاتپەن جاناساتىنداي دەڭگەيدە اشىلعان. بىراق باستى كىلت بۇل ەمەس. جوعارعى بيلىك – كوپشىلىكتىڭ پايىمىندا ءمىنسىز ۇلگىلەرگە نەگىزدەلەدى. بارلىعى وزىنە ۇلگى ىزدەيدى. ۇلگىنى ءمىنسىز دەيدى. بىراق بۇل فيلم ومىردە بارلىق قالىپتاسقان پايىمدار مەن قاعيدالاردىڭ بۇگىنگى قاتەلىگىن اشىپ كورسەتەدى. ءبارى ءبىز ويلاعانداي ەمەس.  گۇلزات كوبەك,

كينوتانۋشى,

ونەرتانۋ PhD دوكتورى