تاراپتار 2018 جىلعى ناۋرىزدا قول قويىلعان ءوزارا تۇسىنىستىك پەن ىنتىماقتاستىق تۋرالى مەموراندۋم اياسىنداعى ءوزارا ءىس-قيمىل بارىسىن تالقىلادى.
كەزدەسۋدە تاراپتار حالىقارالىق قاتىناستار سالاسىندا تۋريستىك سالانى دامىتۋ, تۋريستىك ءونىمدى تۇپكى تۇتىنۋشىنىڭ مۇددەلەرىن قورعاۋ دەڭگەيىن ارتتىرۋ ماقساتىندا ودان ءارى ءوزارا ءىس-قيمىل جاساۋ نيەتىن راستاي وتىرىپ, تۋريستىك كاسىپكەرلىكتى دامىتۋ سالاسىندا ءوزارا قىزىعۋشىلىق تۋدىراتىن ءوز ىستەرىمەن, اقپاراتپەن الماستى.
سونىمەن قاتار, 2019 جىلعى 1 جەلتوقساننان باستاپ كۇشىنە ەنەتىن ەۋرازيالىق ەكونوميكالىق وداقتىڭ (ەاەو) تۋريزم سالاسىندا بىرىڭعاي نارىق اشۋ تۋرالى شەشىمى تالقىلاندى.
تاراپتار ءبىر-ءبىرىنىڭ اۋماعىندا ورنالاسقان تۋريستەردىڭ قۇقىقتارى مەن مۇددەلەرىن بارىنشا تولىققاندى قامتاماسىز ەتۋ ماقساتىن كوزدەيتىن قوسىمشا كەلىسىمدەر ازىرلەۋگە كەلىستى.
قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى 2016 جىلدان باستاپ جۇمىس ىستەيدى جانە قازاقستان رەسپۋبليكاسىنىڭ ازاماتتارى, تۋراگەنتتەر, تۋروپەراتورلار, تۋروپەراتورلار-جالداۋشىلار, جۇيە اكىمشىسى جانە تۋريستىك قىزمەت سالاسىنداعى ۋاكىلەتتى ورگان اراسىنداعى قۇقىقتىق قاتىناستاردىڭ جيىنتىعىن بىلدىرەدى.
2017 جىلدان باستاپ قازاقستاندىق تۋريستەرگە شەتەلگە تۋركودپەن دەمالىسقا شىعۋ ۇسىنىلادى. ارنايى قۇرىلعان «تۋريستىك قامقور» كق شەتەلدە اياقاستى كۇتپەگەن جاعدايلارعا تاپ بولعان تۋريستەرگە وتانىنا ورالۋعا كومەك كورسەتۋ ماقساتىندا قۇرىلعان. ءبىرىنشى كەزەكتە بۇل تەرىس پيعىلدى تۋرفيرمالاردىڭ قىزمەتىنە بايلانىستى زارداپ شەككەندەرگە قاتىستى. وسىلايشا, قولىندا تۋركود بولعان جاعدايدا قازاقستاننان كەلگەن تۋريستەر شۇعىل جاعدايدا كەپىلدى قولداۋعا يە بولادى.
تۋركود دەگەنىمىز نە؟ تۋركود 11-13 (شىعۋ ەلىنە بايلانىستى) ارىپتىك-ساندىق سيمۆولداردان تۇرادى. ول ءار جولدامانى رەسىمدەۋ كەزىندە اۆتوماتتى تۇردە بەرىلەدى. بۇل شيفر ءاربىر تۋريست ءۇشىن بىرەگەي. شۇعىل جاعداي تۋىنداعان كەزدە تۋريست قورمەن بايلانىسادى, ءوز تۋركودىنىڭ ءنومىرىن حابارلايدى جانە جاقىن اراداعى 24 ساعاتتا شۇعىل كومەك كورسەتۋدى كۇتەدى.