پرەمەرا جاستار جىلى اياسىندا قر مادەنيەت جانە سپورت مينيسترلىگىنىڭ قولداۋىمەن قويىلادى. وپەرانىڭ سيۋجەتىن كومپوزيتور تانىمال فرانتسۋز جازۋشىسى انري ميۋرجەنىڭ «بوگەما ومىرىنەن كورىنىستەر» شىعارماسىنان العان. ال ونىڭ مۋزىكاسىن دج.پۋچچيني سەگىز ايدىڭ ىشىندە جازىپتى.
وپەرا العاشقى پرەمەراسى 1896 جىلدىڭ 1 اقپانىندا تۋريندە 28 جاسار ارتۋرو توسكانينيدىڭ ديريجەرلىك ەتۋىمەن ءوتتى. كەيىن «بوگەما» بارشا الەم ساحنالارىن جاۋلاپ الادى.
تەاتردىڭ ءباسپاسوز قىزمەتىنىڭ حابارلاۋىنشا كورەرمەن نازارىنا وپەرانىڭ جاڭا ساحنالىق رەداكتسياسى ۇسىنىلادى. سوڭعى وزىق ءارى زاماناۋي تەاترلىق تەحنولوگيالاردىڭ ارقاسىندا وپەرانى ساحنانىڭ تەحنيكالىق مۇمكىندىكتەرىنە بەيىمدەپ, قويىلىم توبىنىڭ ەڭ باتىل شەشىمدەرى جۇزەگە اسىرىلماق.
«مەن «بوگەما» سپەكتاكلىن العاش رەت قويماقپاقپىن. بۇل – دج.ءپۋچچينيدىڭ تۋىندىلارىن ساحنالاۋداعى تىرناقالدى جۇمىسىم. ونى ءوزىمنىڭ جەكە تۇسىنىگىم ارقىلى ىسكە اسىرۋعا تىرىساتىن بولامىن. مۋزىكانى تىڭداپ, ليبرەتتونى وقىعان كەزدە ويىما ءار ءتۇرلى يدەيالار كەلەدى. مەن ءاردايىم كەيىپكەرلەردىڭ مىنەز-قۇلقىن ساحنادا جاقسىراق كورسەتۋ ءۇشىن ولاردىڭ پسيحولوگياسىن تۇسىنۋگە تىرىسامىن. كورەرمەندەردى قىزىقتىرا الاتىن پوەتيكالىق بەينەلەر مەن وقيعالار جاساۋعا تىرىسىپ باعامىن. مەن ءۇشىن كورەرمەن قاۋىمعا جاڭا نارسەنى بايانداپ, ولاردىڭ تەاتر قابىرعاسىنان شابىتپەن, ومىرگە دەگەن سۇيىسپەنشىلىكپەن شىعۋىنا مۇمكىندىك بەرۋ ماڭىزدى», – دەپ ءبولىستى قويۋشى رەجيسسەر اندرەا بەرنارد.
پرەمەرا «استانا وپەرا» جەتەكشى سوليستەرىنىڭ, ەلوردالىق تەاتردىڭ سيمفونيالىق وركەسترى جانە حورىنىڭ قاتىسۋىمەن وتەدى.
باستالۋى ساعات 18:00-دە.