2019 جىلدىڭ 10 ءساۋىر كۇنى ءا. قاستەەۆ اتىنداعى ونەر مۋزەيىندە قازاقستان سۋرەتشىلەر وداعىنىڭ مۇشەسى جيەنباي ورىنباەۆتىڭ «مەنىڭ كورمەم» اتتى جەكە شىعارماشىلىق كورمەسىنىڭ اشىلۋ سالتاناتى وتەدى. كورمەدە سۋرەتشىنىڭ 40-تان استام تۋىندىلارى ۇسىنىلادى.
جيەنباي ورىنباەۆتىڭ شىعارماشىلىعى كوپ جانرلى بولعانىمەن جانىنا جاقىنى – اۋىل كورىنىسىنىڭ ليريكالىق پەيزاجى مەن تابيعاتتىڭ شەكسىز سۇلۋلىعى. ول تابيعات جاعدايىنىڭ نيۋانستارىن, سىرعىپ بارا جاتقان سەزىمتال ءبىر ساتتىك سۇلۋلىقتى نازىكتىكپەن قابىلداپ, ليريكتىڭ كوزىمەن كورەدى.
جيەنباي ورىنباەۆ 1962 جىلى وڭتۇستىك قازاقستان وبلىسى سارىاعاش اۋدانىندا دۇنيەگە كەلگەن. تاشكەنت پەداگوگيكالىق ينستيتۋتىنىڭ كوركەمسۋرەت-گرافيكا فاكۋلتەتىن ءتامامدادى. كوپتەگەن حالىقارالىق جانە رەسپۋبليكالىق كورمەلەردىڭ قاتىسۋشىسى. ج. ورىنباەۆ ءوزىنىڭ شىعارماشىلىق قىزمەتىن وقىتۋشىلىقپەن ۇشتاستىرىپ, قازىرگى كەزدە ءا. قاستەەۆ اتىنداعى كوركەمونەر جانە ديزاين مەكتەبىندە ۇزتازدىق قىزمەت اتقارادى.