سەناتور بيبىگۇل جەكسەنباي ازاماتتاردىڭ الاياقتاردان قورعانۋ مۇمكىندىگىنىڭ ازدىعى مەن جەكەلەگەن مەملەكەتتىك ورگانداردىڭ ەنجار كوزقاراسى تۋرالى دەپۋتاتتىق ساۋال جولدادى, دەپ حابارلايدى Egemen.kz.
دەپۋتات ساۋالىنا تۇرعىن ءۇي قۇرىلىسىنا ميلليون تەڭگە سالعان مۇگەدەكتىگى بار ادامداردىڭ سەناتورعا ءوتىنىش ايتۋى سەبەپ بولدى. الايدا اقشانى العان قۇرىلىس سالۋشى قاشىپ كەتكەن. قارىزدى جابۋعا تىرىسقان وتباسى الاياقتار ۇرلاپ اكەتكەن نەسيەلىك كولىكتەن ايىرىلعان, بىراق بانك الدىنداعى مىندەتتەمەلەر ساقتالىپ وتىر.
اسا ءىرى مولشەردەگى الاياقتىق جانە جالعان اقپارات: الماتىدا سانجار بوقاەۆ ۇستالدى
سەناتور مەملەكەتتىك ورگاندارعا جاسالعان وتىنىشتەر ناتيجە بەرمەگەنىن جانە ءاتۇستى جاۋاپتار بەرىلە باستاعانىن اتاپ ءوتتى. 2021 جىلى شىعارىلعان سوت شەشىمى ءالى ورىندالعان جوق, ويتكەنى بورىشكەردىڭ مۇلكى جوق. ونىڭ ايتۋىنشا, زاڭدا سوت شەشىمدەرىن ورىنداۋدان جالتارعانى, ونىڭ ىشىندە اكتيۆتەردى جاسىرعانى ءۇشىن جاۋاپكەرشىلىك بەلگىلەنگەن. الايدا, ءىس جۇزىندە بۇل نورمالار جۇمىس ىستەمەيدى جانە زارداپ شەككەندەر قورعاۋدان سىرت قالعان.
«ەستۋ جانە سويلەۋ قابىلەتى بۇزىلعان ازاماتتار كوبىنەسە ادەتتەگى جاعدايداعى بايلانىس ورتالىقتارىن, تسيفرلىق قىزمەتتەردى نەمەسە جي كومەكشىلەرىن پايدالانا المايدى. ناتيجەسىندە, قورعاۋعا مۇقتاج ادامدار جۇيەدەن تىس قالىپ وتىر. وسىعان بايلانىستى الاياقتىقپەن جانە وسال ازاماتتاردى قورعاۋعا بايلانىستى ىستەر بويىنشا سوت شەشىمدەرىن ورىنداۋدىڭ بىرىڭعاي مەكەمەارالىق كەلىسىلگەن پراكتيكاسىن, سونداي-اق سوت-قۇقىق قورعاۋ ورگاندارى, سوت ورىنداۋشىلارى, بانكتەر جانە وزگە دە قۇرىلىمداردىڭ ءىس-قيمىلدارىن ناقتى ۇيلەستىرۋدى قاراۋدى سۇرايمىز. ەستۋ جانە سويلەۋ قابىلەتى بۇزىلعان ازاماتتارعا ارنالعان ءوزارا ءىس-قيمىل مەن كومەكتەسەتىن بالاما ارنالارمەن قوسا مەملەكەتتىك جانە تسيفرلىق سەرۆيستەردىڭ قولجەتىمدىلىگىن قامتاماسىز ەتۋ كەرەك. سونداي اق سوت اكتىلەرىن ورىنداماعانى ءۇشىن جاۋاپكەرشىلىكتى كۇشەيتۋ تۋرالى ماسەلەنى قاراۋدى سۇرايمىز», دەدى سەناتور.
اتىشۋلى ۇرلىق پەن الاياقتىق داۋى: لۋۆر ديرەكتورى قىزمەتىنەن كەتتى