ەل تۇرعىندارى قانداي دارىلەردى كوپ ساتىپ الادى؟

دەنساۋلىق ساقتاۋ مينيسترلىگىنىڭ مالىمەتىنە سايكەس, ساتىلىم كولەمى بويىنشا ءبىرىنشى ورىندا ەتيل ءسپيرتى تۇر. تاڭبالانعان ءونىمنىڭ 4,1 ملن داناسى ساتىلعان. ەكىنشى ورىندا – 2,1 ملن دانا كورسەتكىشپەن ناتري ءحلوريدى.

دارىگەرگە ءدان ريزامىن

العاشقى ۇشتىككە قىزۋ تۇسىرەتىن پاراتسەتامول دا ەنگەن. ونىڭ ساتىلىمى 1,75 ملن داناعا جەتكەن. ءتورتىنشى ورىندا – 1,5 ملن دانادان اسقان اتسەتيلساليتسيل قىشقىلى. بەستىكتى تۇماۋ كەزىندە قولدانىلاتىن تامىر تارىلتاتىن نافازولين پرەپاراتى تۇيىندەيدى.

ەلدە تاڭبالانعان دارىلەردىڭ ۇلەسى 40%-عا جەتتى

سۇرانىس جوعارى پرەپاراتتاردىڭ قاتارىندا «تسيترامون پ» دە بار, ول 1,23 ملن دانادان استام ساتىلعان. سونىمەن قاتار العاشقى وندىققا مەنوۆازين (897 مىڭ دانا), تۇماۋ مەن سۋىق تيۋگە قارسى «تەرافليۋ», بەلسەندىرىلگەن كومىر (636 مىڭ دانا) جانە فۋراتسيلين (623 مىڭ دانا) كىردى.

دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر

تسيفرلىق تاڭبالاۋ جۇيەسى اياسىندا ءاربىر ءدارى قاپتاماسىنا بىرەگەي Data Matrix كودى بەرىلەدى. تۇتىنۋشى, ءدارىحانا نەمەسە باقىلاۋشى ورگان Naqty Onim ءموبيلدى قوسىمشاسى ارقىلى پرەپاراتتىڭ تۇپنۇسقالىعىن جەدەل تەكسەرە الادى.

«تاڭبالاۋ جۇيەسى ءاربىر ءدارى قاپتاماسىنىڭ وندىرۋشىدەن سوڭعى تۇتىنۋشىعا دەيىنگى قوزعالىسىن ناقتى ۋاقىت رەجيمىندە باقىلاۋعا مۇمكىندىك بەرەدى. ۇسىنىلعان ستاتيستيكا دارىحانالارداعى بولشەك ساۋداداعى ساتىلىمدى كورسەتەدى. سونىمەن قاتار بۇل جۇيە ءاربىر پرەپاراتتىڭ تۇپنۇسقا ەكەنىن جانە زاڭدى اينالىمنىڭ بارلىق كەزەڭىنەن وتكەنىن كەپىلدەيدى», دەپ حابارلادى دەنساۋلىق ساقتاۋ مينيسترلىگى.

ۆەدومستۆو دەرەگىنشە, بۇل جۇيە زاڭدى تاۋار اينالىمى شەڭبەرىندە جالعان دارىلەردىڭ ساتىلۋىن شەكتەيدى.