«قازاۆتوجول» ۇلتتىق كومپانياسىنىڭ مالىمەتىنشە, قولايسىز اۋا رايىنا بايلانىستى 3 وبلىستا كولىك قوزعالىسىنا شەكتەۋ قويىلدى, دەپ جازادى Egemen.kz.
سولتۇستىك قازاقستان وبلىسى:
«تيميريازەۆو – سارىكول – قوستاناي وبلىسىنىڭ شەكاراسى» تاسجولىنىڭ 30-شاقىرىمىنا دەيىنگى (تيميريازەۆو اۋىلى – قوستاناي وبلىسىنىڭ شەكاراسى) ۋچاسكەسىندە جۇك جانە قوعامدىق كولىكتەر ءۇشىن قوزعالىس شەكتەلدى.
ساراپشى: ەلىمىزدە جوعارى جىلدامدىقپەن جۇرەتىن تاسجولداردا جىلدامدىق رەجيمى بىركەلكى ەمەس
پاۆلودار وبلىسى:
«استانا – شىدەرتى – پاۆلودار – ۋسپەنكا – رف شەكاراسى» تاسجولىنداعى «قالقامان» جولايرىعى ۋچاسكەسى (قالقامان كەنتىنە كىرەبەرىس پەن استانا باعىتىنا شىعار جول) جابىق تۇر.
قاراعاندى وبلىسىندا جول اپاتىنان 3 ادام كوز جۇمدى
شىعىس قازاقستان وبلىسى:
وسينوۆ اسۋىندا تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسىنا ۋاقىتشا تىيىم سالىندى. بۇل شەكتەۋ «وسكەمەن – التاي – كاتونقاراعاي – راحمان قاينارى» تاسجولىنىڭ 46-66-شاقىرىمىنداعى (سەۆەرنوە اۋىلى – سەرەبريانسك قالاسى) ۋچاسكەسى كۇن جىلىنىپ, جول بولىگى قاۋىپسىز بولعانعا دەيىن ساقتالادى.