«قازگيدرومەت» سينوپتيكتەرى 20 ناۋرىزعا ارنالعان اۋا ساپاسىنا قاتىستى ەسكەرتۋ جاريالاپ, ەلىمىزدىڭ بىرقاتار قالاسىندا قولايسىز مەتەورولوگيالىق جاعداي قالىپتاساتىنىن مالىمدەدى, دەپ جازادى Egemen.kz.
مامانداردىڭ دەرەگىنشە, اتالعان كۇنى قوستاناي, پاۆلودار, قاراعاندى, تەمىرتاۋ, وسكەمەن, ريددەر, اقتوبە, الماتى جانە استانا قالالارىندا, سونداي-اق تۇنگى ۋاقىتتا اتىراۋدا اۋانىڭ لاستانۋىنا ىقپال ەتەتىن قولايسىز مەتەوجاعدايلار كۇتىلەدى.
سينوپتيكتەردىڭ بولجاۋىنشا, ەلوردادا كۇن الا بۇلتتى بولادى, جاۋىن-شاشىن تۇسپەيدى. تۇمان ءتۇسىپ, كوكتايعاق بولۋى ىقتيمال. جەل وڭتۇستىك-باتىستان سەكۋندىنا 3-8 مەتر جىلدامدىقپەن سوعادى. اۋا تەمپەراتۋراسى تۇندە -8...-10 گرادۋس, كۇندىز +3...+5 گرادۋس شاماسىندا بولادى.
ەلىمىزدىڭ قاي وڭىرلەرىندە جول جابىق؟
الماتىدا كۇن الا بۇلتتى, جاۋىن-شاشىنسىز اۋا رايى كۇتىلەدى. جەل سولتۇستىك-شىعىستان سەكۋندىنا 3-8 مەترگە دەيىن جەتەدى. تۇنگى تەمپەراتۋرا +1...+3 گرادۋس بولسا, كۇندىز +14...+16 گرادۋسقا دەيىن جىليدى.
ناۋرىز ايىندا اۋا رايى قانداي بولادى؟
ماماندار مۇنداي كۇندەرى اۋاداعى زياندى زاتتاردىڭ شوعىرلانۋى ارتىپ, اسىرەسە تىنىس الۋ جولدارىنا سەزىمتال ازاماتتارعا قولايسىزدىق تۋدىرۋى مۇمكىن ەكەنىن ەسكەرتەدى.