دومبىرانى ۇشاقتىڭ جولاۋشىلار سالونىندا الىپ جۇرۋگە رۇقسات بەرىلۋى مۇمكىن. بۇل تۋرالى سەنات كۋلۋارىندا كولىك ۆيتسە-ءمينيسترى تالعات لاستاەۆ مالىمدەدى, دەپ جازادى Egemen.kz.
ونىڭ ايتۋىنشا, دومبىرانى اۋە كەمەسىنىڭ سالونىندا تاسىمالداۋ ءتارتىبىن رەتتەۋ ماسەلەسى مامىر ايىندا ناقتى شەشىمىن تابۋى ءتيىس.
دومبىراعا قۇشتار جاپون جىگىتى
قازىر بۇل باعىتتاعى جۇمىستى ازاماتتىق اۆياتسيا كوميتەتى قولعا العان. الداعى ۋاقىتتا تەك دومبىرا عانا ەمەس, وزگە دە مۋزىكالىق اسپاپتاردى ۇشاق ىشىندە الىپ جۇرۋگە مۇمكىندىك قاراستىرىلۋى مۇمكىن.
11 500 دومبىراشى: ۇلتتىق رەكورد تىركەلدى
«وسى ماسەلە بويىنشا ناقتى جۇمىس جۇرگىزىلىپ جاتىر. ازاماتتىق اۆياتسيا كوميتەتىنە مۋزىكالىق اسپاپتاردى, ونىڭ ىشىندە دومبىرانى تاسىمالداۋ ءتارتىبىن زاڭنامالىق تۇرعىدا رەتتەۋ مىندەتى جۇكتەلگەن. جاقىن ارادا جولاۋشىلاردى جانە جۇك پەن باگاجدى تاسىمالداۋ قاعيدالارىنا ءتيىستى وزگەرىستەر ەنگىزەمىز دەپ جوسپارلاپ وتىرمىز. بۇل جولاۋشىلار ءۇشىن بارىنشا تۇسىنىكتى بولۋى ءتيىس. ونىڭ ىشىندە مۋزىكالىق اسپاپتاردى قالاي تاسىمالداۋ كەرەك, قانداي راسىمدەر ساقتالۋى قاجەت دەگەن سۇراقتارعا ناقتى جاۋاپ بەرىلەدى. ءبىر اي كولەمىندە ءتيىستى شەشىم قابىلدانادى دەپ ويلايمىن», دەدى كولىك ۆيتسە-ءمينيسترى تالعات لاستاەۆ.
ديماشتىڭ دومبىراسى