ەكى كۇن بويى ساعات 09:00-دەن كەشكى 19:00-گە دەيىن قالا تۇرعىندارى مەن قوناقتارى جول قاۋىپسىزدىگى مەن كوشى-قون زاڭناماسىنا قاتىستى سۇراقتار بويىنشا مامانداردىڭ كەڭەسىن الا الادى.
پوليتسيا دەپارتامەنتىندە مالىمدەگەندەي, ءموبيلدى توپتار ازاماتتاردى «جولدا قابىلداۋ» دەگەن جازۋى بار اۆتوبۋستاردا قابىلدايدى.
اكتسيا بارىسىندا قالا تۇرعىندارى جول-قاۋىپسىزدىگى, كوشى-قون زاڭناماسى, اۆتوكولىكتەردى تىركەۋ, جۇرگىزۋشى كۋالىگىن الۋ, جەكە كۋالىك الۋ, ءتول-قۇجاتتى الۋ, اۆتوكولىكتەرگە قوسىمشا بولشەكتەر ورناتۋ جانە اكىمشىلىك ايىپپۇلداردى تولەۋ جونىندەگى مەملەكەتتىك قىزمەتتەردى كورسەتۋ جۇمىستارى بويىنشا قۇقىتىق كەڭەس الا الادى.
شارا «الما» ساۋدا ءۇيىنىڭ اۋدانى (رەسپۋبليكا داڭعىلى, 45), «Mega Silk Way» ساۋدا-ويىن ساۋىق كەشەنى (قابانباي باتىر داڭعىلى, 62), «Astana Mall» ساۋدا-ويىن ساۋىق كەشەنى (تاۋەلسىزدىك داڭعىلى, 34), «ارنايى حالىققا قىزمەت كورسەتۋ ورتالىعىنىڭ» اۋدانى (20-40 كوشەسى), ورتالىق ساۋدا كەشەنى (الاش تاس جولى) جانە الماتى اۋدانىنىڭ مەملەكەتتىك كىرىستەر بويىنشا باسقارماسىنىڭ اۋدانى (جۇبانوۆ كوشەسى مەن اباي داڭعىلى, 78 قيىلىسى) سياقتى قالانىڭ 6-اۋماعىندا وتكىزىلەدى.