جاڭا فورماتتاعى اتاۋلى الەۋمەتتىك كومەك تاعايىنداۋدىڭ العاشقى كۇنى 1 مىڭنان استام ادام ءوتىنىش بىلدىرسە, ەكىنشى كۇنى 800-گە جۋىق ادام ءوتىنىش بەردى, دەپ حابارلايدى نۇر-سۇلتان اكىمدىگىنىڭ رەسمي سايتى.
ونىڭ ىشىندە 128 ادام اۆتوماتتى تۇردە ااك الۋشى بولىپ تابىلادى.
«ازىرگە وتىنىمدەردى قابىلدايمىز, سودان كەيىن ولاردى وڭدەيمىز. بۇدان ءارى بۇل ءتىزىمدى ۋچاسكەلىك كوميسسياعا بەرەمىز. ولار تۇرعىن ءۇي جاعدايلارىن تەكسەرەدى, سودان كەيىن ااك تاعايىنداۋ تۋرالى انىقتاما بەرىلەدى. وسىنىڭ بارلىعى ارتىق دەگەندە 5 جۇمىس كۇنى ىشىندە ىستەلەدى», – دەپ مالىمدەدى قالا اكىمدىگى جۇمىسپەن قامتۋ جانە الەۋمەتتىك قورعاۋ باسقارماسىنىڭ ءباسپاسوز قىزمەتىندە.