اكىمنىڭ ايتۋىنشا, بيلىك جۇمىسىنىڭ باستى باعىتى - ادامداردىڭ ءومىر ساپاسىن جاقسارتۋ بولىپ تابىلادى. وسى جىلدىڭ قاڭتار ايىنان باستاپ وبلىس كاسىپورىندارىنداعى 220 مىڭ جۇمىسشىنىڭ ەڭبەكاقىسى 14%-عا ءوستى. كوممۋنالدىق قىزمەتتەرگە تاريفتەر ورتا ەسەپپەن 5 -10%-عا تومەندەدى. بۇل تۇرعىندارعا جىلىنا 3,2 ملرد. تەڭگە دەيىن قاراجاتتارىن ۇنەمدەۋگە مۇمكىندىك بەرەدى.
ەرلان قوشانوۆ سونىمەن قاتار حالىقتى تولعاندىراتىن باستى ماسەلەلەردىڭ ءبىرى – تۇرعىن ءۇي جانە ينفراقۇرىلىم ەكەنىن اتاپ ءوتتى. اتالمىش سالاعا قاتىستى وتكەن جىلى وڭىردە 4135 پاتەر پايدالانۋعا بەرىلدى.
- وبلىستا 36 مىڭعا جۋىق كەزەكتە تۇرعاندار بار. سوندىقتان دا ءبىزدىڭ مىندەتىمىز بارىنشا كوپ باسپانا سالۋ, - دەدى ايماق باسشىسى.قۇرىلىس قاراعاندى قالاسىندا عانا ەمەس, جەزقازعان, بالقاش جانە باسقا قالالار مەن اۋدانداردا دا بەلسەندى تۇردە جۇرگىزىلە باستالدى. بيىل تاعى 440 مىڭ شارشى مەتر تۇرعىن ءۇي پايدالانۋعا بەرىلەدى.
- كەزەكتە تۇرعاندار قاتارىنان 1100-دەن استام وتباسى پاتەر الادى, - دەپ اتاپ ءوتتى ايماق باسشىسى.
جەكە قۇرىلىس كومپانيالارى ءۇش جىل ىشىندە «7-20-25» باعدارلاماسى بويىنشا 3,5 مىڭ پاتەر سالۋدى جوسپارلاپ وتىر. ولاردىڭ 1000-نان استامى وسى جىلى تاپسىرىلادى.
سونداي-اق وبلىستىق بيۋدجەتتەن باستاپقى جارنانى سۋبسيديالاۋعا تۇرعىن ءۇي سەرتيفيكاتتارى ءۇشىن ءبىر ملرد. تەڭگە ءبولىندى. ولاردى باعدارلاماعا قاتىسۋشى 1000-نان استام وتباسى الادى.
قوعامدىق كەڭەس مۇشەلەرىن مۇعالىمدەر مەن باسقا دا بيۋدجەت قىزمەتكەرلەرىنە ارنالعان تۇرعىن ءۇي, جول جاعدايى, ستۋدەنتتەردى جاتاقحاناداعى ورىندارمەن قامتاماسىز ەتۋ ماسەلەلەرى قىزىقتىردى.
- مەن اسىرەسە اۋىلدىق جەرلەردەن كەلگەن ستۋدەنتتەر ءۇشىن وزەكتى تاقىرىپتى كوتەرگىم كەلەدى. بۇل جاتاقحانانىڭ قولجەتىمدىلىگى. وسى باعىتتا قانداي جۇمىستار جۇرگىزىلۋدە؟ – دەپ سۇرادى الەكساندر زەۆاحين.
ەرلان قوشانوۆ قازىر وبلىستا جاتاقحانالاردا 2350 ورىن جەتىسپەيتىنىن راستادى. ونىڭ ىشىندە كوللەدجدەردە 950 ورىن جانە جوو-دا 1300 ورىن. بىراق بۇل ماسەلەنى بيلىك شەشۋگە ۋادە بەردى.
- جۇمىس ەلباسىنىڭ 5 الەۋمەتتىك باستاماسى اياسىندا جۇرگىزىلۋدە, - دەدى وبلىس اكىمى. - بالقاشتا, اباي مەن قاراعاندىدا كوللەدج ستۋدەنتتەرىنە ارنالعان جاتاقحانالار سالىندى. بيىل قارقارالى قالاسىندا 100 ورىندىق تاعى ءبىر جاتاقحانا قۇرىلىسىن باستايمىز. سونداي-اق, مەديتسينا ۋنيۆەرسيتەتى بيىل ءبىرىنشى جاتاقحانانىڭ قۇرىلىسىن باستاۋدى جوسپارلاپ وتىر. ولاردىڭ بارلىق قۇجاتتارى بار, جەر تەلىمىن ءبىز بولدىك. تەحنيكالىق ۋنيۆەرسيتەت باسشىلىعى ينۆەستور تاپتى. جاقىندا ولار دا قۇرىلىسقا كىرىسەدى. الداعى ەكى جىلدا وبلىستاعى جاتاقحانالار ماسەلەسى جابىلادى.
سونداي-اق, وبلىس اكىمى وڭىردەگى سۋ تاسقىنى جاعدايى تۋرالى دا توقتالا كەتتى. وبلىس بويىنشا جاعداي تۇراقتى جانە باقىلاۋدا. بۇل ۇلكەن دايىندىق جۇمىستارىنىڭ ارقاسىندا مۇمكىن بولدى. 77 ەلدى مەكەندە قورعانىس دامبالارى مەن ۇيىندىلەرى سالىندى, وزەن جاعالاۋلارى نىعايتىلدى.
- الدىن الۋ شارالارىنىڭ ارقاسىندا ەلدى مەكەندەردى سۋ باسۋعا جول بەرىلگەن جوق. بۇگىندە بارلىق قىزمەتتەر تاۋلىك بويى جوعارى دايىندىق رەجيمىندە جۇمىس ىستەۋدە, - دەپ اتاپ ءوتتى ەرلان قوشانوۆ.