«كاسىبي اسكەريلەندىرىلگەن اۆاريالىق قۇتقارۋ قىزمەتتەرىنىڭ رەسپۋبليكالىق ورتالىق شتابى» جاۋاپكەرشىلىگى شەكتەۋلى سەرىكتەستىگى «اقبەرەن» ماڭعىستاۋ فيليالىنىڭ 4 جەدەل-الدىن الۋ جۇمىسى جونىندەگى ينجەنەرى جانە 15 قۇتقارۋشىسىنان قۇرالعان جەدەل توپ وقيعا ورنىندا اۆاريالىق-قالپىنا كەلتىرۋ جۇمىستارىن جۇرگىزىپ, كەزەكشىلىك قىزمەت اتقارۋدا.
قالامقاس كەن ورنى №8237 ۇڭعىماسىنداعى جالىن توقتاعاننان بەرى وندا اپاتتىق-جويۋ جۇمىستارىنىڭ جوسپارى جاساقتالىپ, «اقبەرەننىڭ» جەدەل توبى ۇڭعىما ساعاسىندا كەزەكشىلىك تارتىبىمەن بولشەكتەۋ جۇمىستارىن جاساۋدا. ساعا شاحتاسى تازالانىپ, و 426 شەگەندەۋ باعانىنىڭ جوعارى بولىگى تەگىستەلدى. و 426 مم باعانىنا باعانالىق فلانەتستىڭ مونتاجى جاسالىپ, گيدراۆليكالىق قوسارلانعان ويمالى پرەۆەنتور قۇراستىرىلدى. پرەۆەنتوردى باسقارۋدىڭ نەگىزگى ءپۋلتى ىسكە قوسىلدى.
بۇرعىلاۋ ەرىتىندىسىنە ارنالعان ىدىستار قامبادان شىعارىلىپ, ۇڭعىما اۋماعىنان ارىگە الىنىپ تاستالدى. وسىدان سوڭ, بۇرما جەلىلەرى مونتاجدالعان. ۇڭعىما ساعاسىنداعى گاز-اۋا ورتاسىنا مەتاندى انىقتاۋعا ارنالعان ولشەۋ ۇنەمى جاسالىنىپ, ول تەرىس ناتيجە كورسەتىپ تۇر.
قالامقاس كەن ورنىندا «كااقق روش» جشس-ءى «اقبەرەن» ماڭعىستاۋ فيليالىنىڭ «ۋرال-44202» جەدەل ۆاحتالىق كولىگى, «ۋرال-44202» جەدەل جۇك كولىگى, «سانگ يونگ» كولىگى جانە «كاماز-43118» بازاسىنداعى جىلجىمالى جوندەۋ شەبەرحاناسى, بۇراندا كەسۋگە ارنالعان ستانتسياسى بار گيدراۆليكالىق قۇرىلعى, قولمەن تۇربا كەسكىش, ستانتسياسى بار گيدراۆليكالىق گايكاكەسكىش سىندى بىرقاتار تەحنيكا مەن قۇرال-سايماندار قولدانىلدى. تەرەڭدىگى 903 مەترلىك №8237 ۇڭعىماسىن بۇرعىلاۋ كەزىندە گاز-سۋ قوسپاسى جانىپ, ءورت اۋماعى شامامەن 900 شارشىمەتردى قۇراپ, بيىكتىگى 10 مەترگە دەيىن جالىن اتقىلاعان بولاتىن. اقبەرەندىكتەر كەن ورنىنا 25 ناۋرىز كۇنى كەلىپ جەتتى. 28 ناۋرىز كۇنى جالىن ءسونىپ, كوميسسيانىڭ شەشىمىمەن, ورتەنگەن ۇڭعىمانى جويۋعا دايىندىق جۇمىستارىن جۇرگىزۋ تاپسىرىلعان «اقبەرەن» ماڭعىستاۋ فيليالىنىڭ قۇتقارۋشىلارى بۇگىندە بولشەكتەۋ جۇمىستارىن اياقتاۋدا.
«كاسىبي اسكەريلەندىرىلگەن اۆاريالىق قۇتقارۋ قىزمەتتەرىنىڭ رەسپۋبليكالىق ورتالىق شتابى» جاۋاپكەرشىلىگى شەكتەۋلى سەرىكتەستىگى «اقبەرەن» ماڭعىستاۋ فيليالىنىڭ ءباسپاسوز قىزمەتىنىڭ حابارلاۋىنشا, سەرىكتەستىكتىڭ 19 قۇتقارۋشىسى 9 كۇن بويى قالامقاس كەن ورنىندا كەزەكشىلىكتە بولىپ, جوندەۋ-قالپىنا كەلتىرۋ جۇمىستارىن ابىرويمەن اتقاردى. اۋا-رايىنىڭ قولايسىزدىعى مەن اپاتتىڭ زاردابىنا قاراماستان, جەدەل توپ مۇشەلەرى تاپسىرمانى مۇلتىكسىز ورىنداپ شىقتى.
ماڭعىستاۋ وبلىسى