جيىنعا بارلىق قۇقىق قورعاۋ ورگاندارى مەن جاۋاپتى مەكەمە باسشىلارى, قالا جانە اۋدان اكىمدەرى سەلەكتورلىق بەينەبايلانىس ارقىلى قاتىستى.
جيىن بارىسىندا بىرقاتار باسقارمالار مەن دەپارتامەنتتەردىڭ باسشىلارى بايانداما جاساپ, الداعى ۋاقىتتا اتقارىلاتىن جۇمىستارعا توقتالىپ ءوتتى.
وبلىس اكىمى و.ورازالين جوبانى جۇزەگە اسىرۋ بويىنشا وبلىستىق ءدىن ىستەرى باسقارماسىنىڭ باسشىسىنا جانە وبلىستىق ىشكى ىستەر دەپارتامەنتىنە اۋدانعا شىعاتىن باسقارما باسشىلارى ۆاحتالىق اۋىلداردا ءوز سالالارى بويىنشا ءتۇسىندىرۋ جۇمىستارىن جۇرگىزۋ تۋرالى بىرقاتار تاپسىرمالار بەردى.
سونداي-اق, جيىندا وبلىستىق ىشكى ساياسات باسقارماسىنا الەۋمەتتىك جەلىلەرمەن جۇمىس جاساۋدى ارتتىرۋدى, وبلىستىق ىشكى ىستەر دەپارتامەنتىنە اۋدان اكىمدەرىمەن بىرلەسىپ, اۋىلدىق جەرلەردە ۋچاسكەلىك ينسپەكتورلاردىڭ جۇمىس ساپاسىن كۇشەيتۋ قاجەتتىگى باسا ايتىلدى.