شارا دۇنيەجۇزىلىك اۋتيزم تۋرالى اقپاراتتى تاراتۋ كۇنىنە ورايلاستىرىلدى.
«ءبىزدىڭ بىرلەستىك 2016 جىلى قۇرىلدى. ءبىز كينوتەاترلار, سپورتتىق الاڭدار, مۋزەيلەر بالالارىمىزعا قولجەتىمدى بولۋى ءۇشىن بىرىكتىك. 2017 جىلى ءبىز قالالىق اكىمدىكپەن بىرلەسىپ, ءاۋتيزمى بار بالالاردى الەۋمەتتەندىرۋ بويىنشا الەۋمەتتىك جوبانى باستاعان بولاتىنبىز. قازىرگى تاڭدا ءبىزدىڭ ەكى جوبامىزدا 220 بالا بار», – دەدى «وردا» ءاۋتيزمى بار بالالار اتا-انالارى قوعامدىق بىرلەستىگىنىڭ توراعاسى سالتانات ەسماعامبەتوۆا.
سپارتاكياداعا جۇزدەن استام ەرەكشە بالا قاتىستى.
سونداي بالانىڭ اناسى گۇلسىم سىمباتوۆانىڭ ايتۋىنشا, ينكليۋزيۆتى جارىس مۇمكىندىگى شەكتەۋلى بالالارعا وزدەرىنىڭ قۇرداستارىمەن قارىم-قاتىناس جاساۋعا مۇمكىندىك بەرەدى.
«ىنتىماقتاستىق تاجىريبەسى بالالاردىڭ جاناشىرلىققا, مەيىرىمدىلىككە, تۇسىنىستىككە جەتۋىنە ىقپال ەتەدى. بولاشاقتا مۇنداي بالالار مەيىرىمدى بولادى. مۇنداي جاعدايلاردا ەرەكشە بالالار ءوزارا ارەكەتتەسۋدى ۇيرەنەدى, سوندىقتان دا وسىنداي شارالار ولار ءۇشىن وتە ماڭىزدى », – دەدى ول.
ەرەكشە بالانىڭ اناسى زارينا داندىباەۆانىڭ ايتۋىنشا, مەملەكەت مۇنداي بالالارعا جان-جاقتى كومەك كورسەتۋدە.
«وردا» ورتالىعىندا ءبىز وڭالتۋدان تەگىن وتەمىز. ءبىز سپورتپەن شۇعىلدانامىز, لوگوپەد, پاتولوگ, پسيحولوگ ماماندارىمەن كەڭەسەمىز. ءبىزدىڭ بالالارىمىز مۋزىكا تەراپياسى, ويىن تەراپياسى سياقتى توپتىق ساباقتارعا قاتىسادى.ء بىزدى اپتاسىنا ءبىر رەت مۋلتفيلمدەردى كورۋگە كينوتەاترعا شاقىرادى», – دەدى زارينا داندىباەۆا.