ءبىز وزگەردىك. بىزدە كوپ نارسە وزگەردى. رۋحاني قۇلدىراۋ. ويلاۋ جۇيەسى. نارىق. جۇمىسسىزدىق. قۇلدىق. ادام ساۋداسى. توقىراۋ. تىعىرىق. وسى كۇيدى وتكەرگەن ۇلت تاعدىرىن فيلم اۆتورى باستى كەيىپكەر ايكا ارقىلى ۇلكەن شەبەرلىكپەن اشادى. بۇل زاماننىڭ اششى شىندىعىن مويىنداۋ.
ءفيلمنىڭ باستى ۇتىمدىلىعى – اۆتور كورەرمەنگە تىعىرىققا تىرەيتىن سۇراق قويادى. تاڭداۋ جاساۋعا مۇمكىندىك. ەسەپ بەرۋ. ارىڭا. ادالدىعىڭا. اماناتىڭا. ادامزاتتىق دەڭگەيدە ۇلتتىڭ قۇقىن اشىق تالقىعا سالادى.
وسى ءبىز نەگە ادام سياقتى ءومىر سۇرە المايمىز؟! الەۋمەتكە تۇراقتى ەكونوميكالىق جۇيە قۇرا المايمىز؟! ايۋاندىعىمىزدى مويىندايمىز. بىراق تابيعاتىمىزعا قارسى تۇرا المايمىز. ماسەلە وسىندا. شەشىلمەگەن ءتۇيىن. جاۋابى جوق كوپ سۇراق. ءفيلمنىڭ فينالىنداعى شاراسىزدىقتان قينالىپ جىلاعان ايكانىڭ كوز جاسى كورەرمەندى دە تىعىرىققا تىرەيدى. بۇل ءسات ۇلكەن شەبەرلىكپەن فيلمگە ۇتىمدى نۇكتە قويعان.
كۇنكورىس. كۇيبەڭ تىرلىك. كۇنەلتۋ. جان باعۋ. وسى جولدا بارلىق تاۋەكەلگە بارۋ. بالادان بەزۋ. ءوز انالىق تابيعاتىنا قارسى تۇرۋ. تۇيسىگىن مويىنداماۋ. سەزىمدەرىنە شابۋىل جاساۋ. قيانات. ءوزىن اياماۋ. مۇلدەم ۇمىتۋ. ءبارى دە شاراسىزدىقتان. امال جوقتىقتان. تاڭداۋ قالماۋ. حايۋان قۇرلى قۇنىڭ بولماۋ. بۇل فيلم ۇلتتىڭ قۇقىن تاپتاۋ مەن ساقتاۋدىڭ ەڭ وزەكتى ساياسي ماسەلەسىن وتكىر قوزعاي ءبىلدى.
ۇرپاق جازىقتى ەمەس. ەر-ازامات جاۋاپكەرشىلىك الماسا. ايەل زاتىن قورلاسا. انا دەپ سىيلاماسا. قارىنداس دەپ قورعاماسا. جارىم دەپ ايالاماسا. ءبارىنىڭ قۇنى جويىلادى. ماسەلەنىڭ نەگىزگى وزەگى وسىندا. ايەل – رۋحاني, ەر-ازامات – ماتەريالدىق قۇندىلىقتارعا جاۋاپتى. ەكونوميكانىڭ بارلىق ساياسي كارتاسى ءدال وسى فيلمدە ەرەكشە اشىلدى.
گۇلزات كوبەك,
كينوتانۋشى, ونەرتانۋ PhD دوكتورى