مامانداردىڭ سوزىنشە, تەكسەرىس قاعازىندا 13 تارماق بار.
«ونىڭ ەڭ نەگىزگىلەرىن اتاپ وتەر بولساق, جولدار مەن جول جيەكتەرىنە, تروتۋار مەن ارىقتاردىڭ تازالىعىنا, قوقىس توگەتىن الاڭدارعا اسا ءمان بەرىلەدى. سەبەبى قىس بويى قاراۋسىز قالعان ماڭدارعا قوقىس جينالىپ قالدى. وسى باعىتتار بويىنشا اپتا سايىن اۋدانداردى ارالايتىن بولامىز. اعاشتاردى سانيتارلىق كەسۋ جۇمىستارى مەن وزەن ارنالارىنا دا ءجىتى نازار اۋدارامىز», – دەيدى الماتى قالاسى جاسىل ەكونوميكا باسقارماسىنىڭ باس مامانى الەكساندر سەرگەەۆ.
ارناۋلى ماماندار تەكسەرىس ناتيجەسىندە انىقتالعان لاس جەرلەردىڭ ءتىزىمىن اكىمدىكتەگىلەرگە جىبەرىپ وتىرماق. ەندى اۋدان باسشىلارى جەراستى جانە جەرۇستى وتكەلدەرى مەن ءجونسىز جارنامالار جاريالانعان ايالدامالار ءۇشىن دە جاۋاپ بەرەتىن بولادى.
الماتى ورتالىق ازياداعى ەڭ كوگالدى قالالاردىڭ تىزىمىندە. قازىرگى تاڭدا مەگاپوليس اۋماعىن اباتتاندىرۋ جۇمىستارى قارقىندى ءجۇرىپ جاتىر.