ارنايى ءبىلىم بەرۋدى قاجەت ەتەتىن بالالارى بار اتا-انالار ءۇشىن ءبىلىم بەرۋ, وڭالتۋ, الەۋمەتتىك بەيىمدەۋ ماسەلەسىنىڭ شەشىلۋى – الدىڭعى شارتتاردىڭ ءبىرى. «Astana» اكك» اق حابارلاۋىنشا, قالادا بۇگىنگى كۇنگە 7557 بالا ارنايى باقىلاۋعا الىنعان.
«بۇل جوبا – «Astana» اكك» اق قولداعان كوپ جوبالاردىڭ ءبىرى. قالا اكىمدىگى كومپانياعا تۇرعىن ەمەس جايلاردى سەنىمگەرلىك باسقارۋعا بەرگەن بولاتىن, ارنايى باعدارلاما ازىرلەنىپ, بەكىتىلدى. وسى قۇجاتقا ساي تۇرعىن ەمەس جايلاردىڭ باسىم كوپشىلىگى الەۋمەتتىك جوبالاردى جۇزەگە اسىرۋ ماقساتىندا جالعا بەرىلۋدە. بۇگىنگى تاڭدا الەۋمەتتىك جوبالاردى جۇزەگە اسىراتىن قورلار مەن ۇيىمدارعا ەڭ تومەنگى باعامەن اكك بارلىعى 5400 شارشى مەتر تۇرعىن ەمەس جايدى جالعا بەردى.
ءبىز الداعى ۋاقىتتا دا ەلوردامىزدىڭ ماڭىزدى الەۋمەتتىك جوبالارىن جۇزەگە اسىرۋعا اتسالىسامىز», – دەدى «Astana» اكك» اق باسقارما توراعاسى م.ا. رۇستەم قۋانىشباەۆ. بالاباقشادا 2,5 جاستان 7 جاسقا دەيىنگى 55 بالا اقىلى نەگىزدە قابىلدانسا, كوپبالالى جانە تۇرمىسى تومەن وتباسىلاردان شىققان ەرەكشە قاجەتتىلىكتى تالاپ ەتەتىن 65 بالا تەگىن ءبىلىم الادى.