كۇن تارتىبىندە بەكىتىلگەن 36 جانە قوسىمشا 10 سۇراق قارالدى.
كەڭەس مۇشەلەرى ەاەو ءنورماتيۆتى اكتىلەرىنىڭ ورىندالۋ بارىسى, ەاەو ورتاق قارجىلىق نارىقتى قالىپتاستىرۋ تۇجىرىمداماسى, ەاەو مىسىر, سەربيا جانە يزرايلمەن ەركىن ساۋدا ايماقتارى جونىندە كەلىسىمدى بەكىتۋ تۋرالى كەلىسسوزدەر مەن جوعارى كەڭەستىڭ №72 شەشىمىنىڭ ورىندالۋ بارىسى بويىنشا كوميسسيا ۇسىنعان اقپاراتتاردى تىڭدادى. بۇدان وزگە, وتىرىس بارىسىندا وسى جىلدىڭ ءساۋىر ايىنا جوسپارلانعان ەۋرازيالىق ۇكىمەتارالىق كەڭەس وتىرىسىنىڭ كۇن ءتارتىبىنىڭ جوباسى ماقۇلداندى.
جيىندا وداقتىڭ ىشكى نارىعىندا وداققا مۇشە مەملەكەتتەر تاراپىنان ءوزارا قولايلى شەشىم قابىلدانعان, دەگەنمەن دە قولايسىزدىق تۋدىرعان ايتۋلى كەدەرگىلەر توڭىرەگىندە مازمۇندى پىكىر الماسۋ بولدى.
ەاەو جونىندەگى 2014 جىلعى 29 مامىرداعى كەلىسىمشارتقا قول قويىلعانىنا 5 جىل تولۋىنا بايلانىستى, جوعارى ەۋرازيالىق ەكونوميكالىق كەڭەس مۇشەلەرىنىڭ بىرلەسكەن مالىمدەمەسىنىڭ جوباسى تالقىلاندى.
كەڭەس وتىرىسىندا ەاەو كەدەندىك اۋماعى مەن كەدەندىك شەكاراسىندا كارانتينگە جاتقىزىلعان ونىمدەر مەن نىساندارعا تالاپ ەتىلەتىن بىرىڭعاي كاراتيندىك فيتوسانيتاريالىق تالاپتارعا وزگەرىس ەنگىزۋ ۇسىنىسى ماقۇلداندى.
مۇنىمەن قوسا, ەاەو تەxنيكالىق رەگلامەنتىن قۇرۋ بويىنشا جوسپاردىڭ ءىى بولىمىنە, كەدەندىك وداقتىڭ تەxنيكالىق رەگلامەنتىنە, كەدەندىك وداقتىڭ «پارفيۋمەريالىق-كوسمەتيكالىق ونىمدەردىڭ قاۋىپسىزدىگى تۋرالى» تەxنيكالىق رەگلامەنتىنە دە وزگەرىستەر ەنگىزىلدى.
دسۇ كىرۋ كەزىندەگى تالاپتارعا سايكەس قابىلدانعان مىندەتتەمەلەر بويىنشا, قازاقستان رەسپۋبليكاسىندا ەاەو-ڭ بىرىڭعاي كەدەندىك ءتاريفىنىڭ باج مولشەرلەمەلەرىنە قاراعاندا الدەقايدا تومەن كەدەندىك اكەلىم باج سالىعى قولدانىلاتىن تاۋارلار ءتىزىمى مەن باج مولشەرلەمەلەرىنىڭ كولەمى دە وزگەرەتىن بولادى.
كەڭەس وتىرىسى اياسىندا ءۇشىنشى ەلدەرمەن ءوزارا ساۋدا-ساتتىق بارىسىندا تۋىنداعان تەxنيكالىق كەدەرگىلەردى جويۋ بويىنشا تالاپتار مەن تارتىپتەر جونىندەگى كەلىسىمگە, «ەاەو اياسىندا قىزمەت كورسەتۋدىڭ جەكەلەگەن سەكتورلارىن ىرىقتاندىرۋ جوسپارىن جۇزەگە اسىرۋ بويىنشا» جوعارى ەۋرازيالىق ەكونوميكالىق كەڭەس قاۋلىسىنىڭ جوباسى مەن «ەاەو وندىرىستىك ساياساتى بويىنشا كەڭەس» جونىندەگى كەلىسىمدەرگە وزگەرىس ەنگىزۋ شەشىمى قابىلداندى.
جالپى العاندا, بۇل جيىننىڭ مازمۇنى قازاقستاننىڭ ستراتەگيالىق مۇددەسىنە سايكەس كەلەدى جانە بۇل باسقوسۋدان كەيىن ەكونوميكالىق ينتەگراتسيالىق پروتسەسستەردىڭ جاhاندانۋ دەڭگەيى ارتىپ, جاڭا سەرپىندى وزگەرىستەر ورىن الماق. ەاەو مۇشە مەملەكەتتەردىڭ ايماقتىق جانە xالىقارالىق دەڭگەيدەگى ينتەگراتسياعا قۇلشىنىسىن وياتۋعا دا تۇرتكى بولادى.