قاسىم-جومارت توقاەۆ قورعانىس مينيسترلىگىنە قاراستى تىكۇشاقتىڭ اپاتقا ۇشىراۋى سالدارىنان قازا بولعانداردىڭ وتباسىنا كوڭىل ايتتى.
مەملەكەت باسشىسى اسكەري تىكۇشاقتىڭ اپاتقا ۇشىراۋى سالدارىنان قازاقستان رەسپۋبليكاسى قارۋلى كۇشتەرى اسكەري قىزمەتشىلەرىنىڭ قازا تاپقانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان اسكەري قىزمەتشىلەردىڭ تۋعان-تۋىستارى مەن جاقىندارىنىڭ قايعىسىنا ورتاقتاسىپ, كوڭىل ايتامىن. مەن ءتيىستى مەملەكەتتىك ورگاندارعا تىكۇشاق اپاتىنىڭ سەبەپتەرىن زەرتتەپ, قازا تاپقانداردىڭ وتباسىنا قاجەتتى كومەك كورسەتۋدى تاپسىردىم», – دەلىنگەن كوڭىل ايتۋ ماتىنىندە.