• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
25 ناۋرىز, 2019

كرەملدە قازاق اۋەنى اسقاقتاعان كۇن

1250 رەت
كورسەتىلدى

قۇدايشىلىعىن ايتقاندا, قازاق ونەرى بۇرىن-سوڭدى وسىنشاما بيىك بەلەسكە كوتەرىلمەگەنى انىق. ءوزىمىزدىڭ بارىمىزدى باعالاماي, باتىستىڭ دا, باسقانىڭ دا بولىمسىز اۋەنىنە ەلىكتەپ, كەلگەنىمىز كۇنى كەشە عانا ەدى. سويتسە, ول ءبىزدىڭ ۇلتتىق ونەرىمىزدىڭ  وسالدىعىنان ەمەس ەكەن. ءانشىنىڭ ونەرىمەن, تابيعي تالانتىمەن استاسقان قۇبىلىس كورى­نەدى. تالانتىڭ بولسا, ءتىلىڭدى تۇسىن­بەسە دە, كۇللى الەم تۇگەلدەي سۇيسىنە تىڭدايدى ەكەن-داعى. ول اۋەلى قىتاي ەلىندەگى  حالىقارالىق بايقاۋدا قازاق ونەرىنىڭ ادام بالاسى تاڭداي قاعارلىق كەڭ دياپازوندى تىنىسىن تانىتىپ, ال كەيىننەن انشىلىك الەۋەتى ارقىلى تالاي-تالاي  جۇرتتىڭ جۇرەگىنە جول تارتتى.  الاش ءانشىسىنىڭ تاڭعاجايىپ داۋىسىنا ۇيىعاندار قازاق ءانىنىڭ وزىنە عانا ءتان قۇدىرەتىن مويىندادى.  ونەر قونعان ىرگەلى ۇلتتان, قابىلەتتى حالىقتان  دارىندار مەن تالانتتار  شىقپاي تۇرمايدى ەكەن.  دارا تالانت. ءتىپتى بۇگىنگىشە ايتقاندا مەگاتالانت. ول ءبىزدىڭ ديماش! لارا فابيانشا قايىرار بولساق, «عارىش بالاسى».

ناۋرىز مەرەكەسىندە ەكى كۇن بويى – 22-23 ناۋرىزدا مەملەكەتتىك كرەمل سارايىندا ەستەن كەتپەس ەرەكشە كونتسەر­تىن وتكىزۋ ء ان-قۇدىرەت –ديماش قۇدايبەرگەننىڭ  دارا  قابىلەتىن تاعى ءبىر مارتە دالەلدەدى. «ايشىلىق الىس جەر­لەردەن جىلدام حابار العىزعان» مىنا زاماندا  ديماشتىڭ كرەمل سارايىن­داعى ء ۇش ساعاتتىق كونتسەرتىنە بيلەتتى ء ۇش-ءتورت اي بۇرىن ساتىپ الىپ,  مۇحيتتاردى, ەلدەردى ارتقا تاس­تاپ كەلگەن جاندار قانشاما. ەكى كۇن بويى 6 مىڭ ورىندىق ءزاۋلىم سارايعا لىقا تولعان كورەرمەندەر اراسىندا قاي ۇلتتىڭ وكىلى جوق دەيسىز.  قىتاي, امەريكا, فرانتسيا, انگليا, رەسەي سياقتى مۋزىكانىڭ مايىن ىشكەن الپاۋىت ەلدەردى ايتپاعاندا, الەمنىڭ 50-دەن استام ەلىنەن كورەرمەندەردىڭ كرەملگە ات باسىن تىرەۋى قازاق ءانشىسىنىڭ  الەمدەگى ەرەكشە فەنومەن ەكەنىن ۇعىندىرسا كەرەك-ءتى. 

عابيت ىسكەندەر ۇلى,

«Egemen Qazaqstan»

سوڭعى جاڭالىقتار